17.67C Vancouver 17.67C VancouverJun 17, 2025 11:19 PM -
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਅੱਜ ਜੀ-7 ਸੰਮੇਲਨ ਦੀਆਂ ਸਾਈਡਲਾਈਨਸ 'ਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨਾਲ ਮੁਲਾਕਾਤ ਹੋਈ।
ਮੁਲਾਕਾਤ ਦੌਰਾਨ ਹੋਈ ਚਰਚਾ 'ਚ ਦੋਵਾਂ ਦੇਸ਼ਾਂ ਨੇ ਫੈਸਲਾ ਲਿਆ ਕਿ ਨਵੇਂ ਹਾਈ ਕਮਿਸ਼ਨਰਸ ਦੀ ਨਿਯੁਕਤੀ ਕੀਤੀ ਜਾਵੇਗੀ।
ਇਸ ਦੇ ਨਾਲ ਹੀ ਦੋਵਾਂ ਦੇਸ਼ਾਂ ਦੇ ਨਾਗਰਿਕਾਂ ਲਈ ਰੈਗੂਲਰ ਡਿਪਲੋਮੈਟਿਕ ਸੇਵਾਵਾਂ ਨੂੰ ਰਿਸਟੋਰ (ਬਹਾਲ) ਕੀਤਾ ਜਾਵੇਗਾ।
ਯਾਦ ਰਹੇ ਕੈਨੇਡਾ ਨੇ ਬੀਤੀ ਫਾਲ 'ਚ ਭਾਰਤ ਦੇ ਛੇ ਡਿਪਲੋਮੈਟਸ ਅਤੇ ਕੌਂਸੁਲਰ ਅਧਿਕਾਰੀਆਂ ਨੂੰ ਐਕਸਪੈਲ ਕਰ ਦਿੱਤਾ ਸੀ।
ਇਹ ਫੈਸਲਾ ਉਸ ਵੇਲੇ ਲਿਆ ਗਿਆ ਸੀ ਜਦ ਲਾਅ ਐਨਫੋਰਸਮੈਂਟ ਵੱਲੋਂ ਭਾਰਤ ਸਰਕਾਰ ਦੇ ਏਜੈਂਟਸ ਦੇ ਕਨੇਡੀਅਨ ਨਾਗਰਿਕਾਂ ਖਿਲਾਫ ਕੈਂਪੇਨ ਨਾਲ ਤਾਰ ਜੁੜਨ ਦੀ ਜਾਣਕਾਰੀ ਦਿੱਤੀ ਸੀ।
ਹਾਲ ਦੀ ਘੜੀ ਚਿਨਮੌਏ ਨਾਇਕ ਭਾਰਤ ਦੇ ਕੈਨੇਡਾ ਲਈ ਐਕਟਿੰਗ ਹਾਈ ਕਮਿਸ਼ਨਰ ਦੀ ਭੂਮਿਕਾ 'ਚ ਹਨ।
