ਕੈਨੇਡਾ ਨੇ 3X3 ਬਾਸਕਿਟਬਾਲ ਵਰਲਡ ਕੱਪ 'ਚ 6ਵੀਂ ਰੈਂਕਿੰਗ ਵਾਲੇ ਆਸਟ੍ਰੀਆ ਨੂੰ ਦਿੱਤੀ ਮਾਤ

ਮੰਗੋਲੀਆ 'ਚ ਖੇਡੇ ਜਾ ਰਹੇ ਫੀਬਾ 3X3 ਬਾਸਕਿਟਬਾਲ ਵਰਲਡ ਕੱਪ 'ਚ ਕੈਨੇਡਾ ਦੀ ਪੁਰਸ਼ਾਂ ਦੀ ਟੀਮ ਨੇ ਅੱਜ ਇੱਕ ਜਿੱਤ ਅਤੇ ਇੱਕ ਹਾਰ ਦਰਜ ਕੀਤੀ। ਕੈਨੇਡੀਅਨ ਟੀਮ ਨੇ ਅੱਜ ਆਪਣੇ ਤੋਂ ਬਿਹਤਰ ਰੈਂਕਿੰਗ ਵਾਲੇ ਆਸਟ੍ਰੀਆ ਖਿਲਾਫ ਜਿੱਤ ਦਰਜ ਕੀਤੀ।

17ਵੀਂ ਰੈਂਕਿੰਗ ਵਾਲੀ ਕੈਨੇਡੀਅਨ ਟੀਮ ਨੇ 6ਵੇਂ ਰੈਂਕ ਦੇ ਆਸਟ੍ਰੀਆ ਖਿਲਾਫ 22-19 ਦੇ ਫਰਕ ਨਾਲ ਬਾਜੀ ਮਾਰੀ।

ਹਾਲਾਂਕਿ ਅੱਜ ਖੇਡੇ ਗਏ ਇੱਕ ਹੋਰ ਮੁਕਾਬਲੇ 'ਚ ਕੈਨੇਡੀਅਨ ਟੀਮ ਨੂੰ ਚੀਨ ਖਿਲਾਫ 20-22 ਦੇ ਫਰਕ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਕੈਨੇਡੀਅਨ ਟੀਮ ਦਾ ਵੀਰਵਾਰ ਨੂੰ ਓਲੰਪਿਕ ਸਿਲਵਰ ਮੈਡਲਿਸਟ ਫਰਾਂਸ ਨਾਲ ਸਾਹਮਣਾ ਹੋਵੇਗਾ।