18.92C Vancouver 18.92C VancouverMay 8, 2026 3:46 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਪੋਸਟ ਨੇ ਹੋਮ ਮੇਲ ਡਿਲਿਵਰੀ ਬੰਦ ਹੋਣ ਦਾ ਸਾਹਮਣਾ ਕਰਨ ਵਾਲੇ ਨਿਵਾਸੀਆਂ ਨੂੰ ਚਿੱਠੀਆਂ ਭੇਜਣਾ ਸ਼ੁਰੂ ਕੀਤਾ ਹੈ, ਜਿਸ ਵਿਚ ਕੰਪਨੀ ਨੇ ਕਿਹਾ ਹੈ ਕਿ ਅਸੀਂ ਤੁਹਾਨੂੰ ਸੂਚਿਤ ਕਰਨਾ ਚਾਹੁੰਦੇ ਹਾਂ ਕਿ ਤੁਹਾਡੇ ਪਤੇ ’ਤੇ ਮੇਲ ਅਤੇ ਪਾਰਸਲ ਪਹੁੰਚਾਉਣ ਦਾ ਤਰੀਕਾ ਬਦਲਿਆ ਜਾ ਰਿਹਾ ਹੈ, ਹਾਲਾਂਕਿ ਫਿਲਹਾਲ ਤੁਹਾਡੇ ਦਰਵਾਜ਼ੇ 'ਤੇ ਡਿਲਿਵਰੀ ਜਾਰੀ ਰਹੇਗੀ ਪਰ 2026 ਦੇ ਅਖੀਰ ਜਾਂ 2027 ਦੀ ਸ਼ੁਰੂਆਤ ਤੋਂ ਤੁਹਾਡੀ ਡਾਕ ਕਮਿਊਨਿਟੀ ਮੇਲ ਬਾਕਸ ਵਿਚ ਹੀ ਪਹੁੰਚਾਈ ਜਾਵੇਗੀ।
ਇਹ ਕਦਮ ਡਾਕ ਸੇਵਾ ਨੂੰ ਆਰਥਿਕ ਪੱਖੋਂ ਮਜ਼ਬੂਤ ਅਤੇ ਆਧੁਨਿਕ ਬਣਾਉਣ ਲਈ ਚੁੱਕਿਆ ਜਾ ਰਿਹਾ ਹੈ। ਇਸ ਯੋਜਨਾ ਦੇ ਹਿੱਸੇ ਵਜੋਂ ਲਗਭਗ 4 ਮਿਲੀਅਨ ਅਜਿਹੇ ਪਤੇ ਜਿੱਥੇ ਅਜੇ ਵੀ ਡੋਰ-ਟੂ-ਡੋਰ ਡਿਲਿਵਰੀ ਹੁੰਦੀ ਹੈ, ਉਨ੍ਹਾਂ ਨੂੰ ਕਮਿਊਨਿਟੀ ਮੇਲ ਬਾਕਸ 'ਤੇ ਸ਼ਿਫਟ ਕੀਤਾ ਜਾਵੇਗਾ।
ਕੈਨੇਡਾ ਪੋਸਟ ਨੇ ਦੱਸਿਆ ਕਿ ਆਉਣ ਵਾਲੇ ਹਫ਼ਤਿਆਂ ਅਤੇ ਮਹੀਨਿਆਂ ਦੌਰਾਨ ਮੁਹੱਲਿਆਂ ਵਿਚ ਸੁਰੱਖਿਅਤ ਅਤੇ ਸਹੀ ਥਾਵਾਂ ਦੀ ਚੋਣ ਕੀਤੀ ਜਾਵੇਗੀ ਜਿੱਥੇ ਇਹ ਮੇਲਬਾਕਸ ਲਗਾਏ ਜਾਣਗੇ। ਬੀਤੀ 16 ਅਪ੍ਰੈਲ ਨੂੰ ਵਿਭਾਗ ਨੇ ਪੁਸ਼ਟੀ ਕੀਤੀ ਸੀ ਕਿ ਫਿਲਹਾਲ 13ਕਮਿਊਨਿਟੀ ਨਾਲ ਗੱਲਬਾਤ ਸ਼ੁਰੂ ਹੋਈ ਹੈ ਜਿੱਥੇ ਇਸ ਸਾਲ ਦੇ ਅੰਤ ਤੱਕ ਇਹ ਨਵੀਂ ਪ੍ਰਣਾਲੀ ਲਾਗੂ ਹੋ ਜਾਵੇਗੀ ਅਤੇ ਪੂਰੇ ਕੈਨੇਡਾ ਵਿਚ ਇਹ ਤਬਦੀਲੀ 5 ਸਾਲਾ ਵਿਚ ਲਾਗੂ ਹੋਵੇਗੀ।
