ਹੜਤਾਲ ਦੀ ਆਖਰੀ ਮਿਤੀ ਤੋਂ ਪਹਿਲਾਂ ਕੈਨੇਡਾ ਪੋਸਟ ਨਵੀਆਂ ਪੇਸ਼ਕਸ਼ਾਂ ਕਰੇਗਾ: ਯੂਨੀਅਨ

ਕੈਨੇਡਾ ਪੋਸਟ ਦੇ ਡਾਕ ਕਰਮਚਾਰੀਆਂ ਦੀ ਸੰਭਾਵਿਤ ਹੜਤਾਲ ਤੋਂ ਦੋ ਦਿਨ ਪਹਿਲਾਂ ਕਰਾਊਨ ਕਾਰਪੋਰੇਸ਼ਨ ਨੇ ਯੂਨੀਅਨ ਨੂੰ ਇੱਕ ਨਵਾਂ ਆਫਰ ਭੇਜਿਆ ਹੈ। 55 ਹਜ਼ਾਰ ਤੋਂ ਵੱਧ ਡਾਕ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਇਸ ਦੀ ਪੁਸ਼ਟੀ ਕਰਦਿਆਂ ਕਿਹਾ ਹੈ ਕਿ ਉਸ ਦੀ ਗੱਲਬਾਤ ਕਰਨ ਵਾਲੀ ਟੀਮ ਜਲਦ ਹੀ ਪ੍ਰਸਤਾਵ ਦਾ ਰੀਵਿਊ ਕਰੇਗੀ।

ਗੌਰਤਲਬ ਹੈ ਕਿ ਕੈਨੇਡੀਅਨ ਯੂਨੀਅਨ ਆਫ ਪੋਸਟਲ ਵਰਕਰਾਂ ਨੇ ਕੋਈ ਸਮਝੌਤਾ ਨਾ ਹੋਣ ਦੀ ਸੂਰਤ ਵਿਚ ਸ਼ੁੱਕਰਵਾਰ ਚੜ੍ਹਦੇ ਹੀ ਹੜਤਾਲ 'ਤੇ ਜਾਣ ਦਾ ਗੱਲ ਆਖੀ ਹੈ।ਕੈਨੇਡਾ ਪੋਸਟ ਨੇ ਕਿਹਾ ਹੈ ਕਿ ਜੇ ਯੂਨੀਅਨ ਹੜਤਾਲ ਫਿਰ ਤੋਂ ਸ਼ੁਰੂ ਕਰਦੀ ਹੈ ਤਾਂ ਡਾਕ ਅਤੇ ਪਾਰਸਲ ਡਿਲੀਵਰੀ ਵਿਚ ਦੇਰੀ ਹੋਵੇਗੀ।