15.32C Vancouver 15.32C VancouverAug 6, 2020 3:40 PM -
ਜਿੱਥੇ ਕੈਨੇਡਾ ਵੱਲੋਂ ਲੈਬਨੌਨ ਦੇ ਵਿੱਚ ਵਾਪਰੇ ਖਤਰਨਾਕ ਧਮਾਕੇ ਤੋਂ ਬਾਅਦ ਆਉਣ ਵਾਲੇ ਦਿਨਾਂ ਵਿੱਚ ਵੱਖ ਵੱਖ ਤਰੀਕੇ ਨਾਲ ਮਦਦ ਮੁਹੱਈਆ ਕਰਵਾਉਣ ਦੀ ਯੋਜਨਾ ਹੈ ਉੱਥੇ ਹੀ ਭਵਿੱਖ ਵਿੱਚ ਮੁਲਕ ਵਿੱਚ ਆਰਥਿਕ ਅਤੇ ਰਾਜਨੀਤਿਕ ਸੁਧਾਰ ਲੈ ਆਉਣ ਉੱਤੇ ਜ਼ੋਰ ਪਾਇਆ ਜਾ ਰਿਹਾ ਹੈ।
ਕੈਨੇਡਾ ਵੱਲੋਂ ਲੈਬਨੌਨ ਨੂੰ $5 ਮਿਲੀਅਨ ਦੀ ਐਮਰਜੈਂਸੀ ਏਡ ਮੁਹੱਈਆ ਕਰਵਾਉਣ ਦਾ ਵਾਅਦਾ ਕੀਤਾ ਗਿਆ ਹੈ ਅਤੇ ਇੰਟਰਨੈਸ਼ਨਲ ਡਿਵੈਲਪਮੈਂਟ ਮਨਿਸਟਰ ਕਰੀਨਾ ਗੋਲਡ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ ਲੈਬਨੌਨ ਵਿੱਚ ਧਮਾਕੇ ਤੋਂ ਬਾਅਦ ਸਹਿਯੋਗ ਪ੍ਰਦਾਨ ਕਰਨ ਲਈ ਯਤਨਸ਼ੀਲ ਹੈ।
ਗੋਲਡ ਨੇ ਕਿਹਾ ਕਿ ਕੈਨੇਡਾ ਲੰਬੇ ਸਮੇਂ ਤੋਂ ਲੈਬਨੌਨ ਵਿੱਚ ਆਰਥਕ ਅਤੇ ਰਾਜਨੀਤਕ ਤਬਦੀਲੀਆਂ ਲਿਆਉਣ ਦੀ ਮੰਗ ਕਰਦਾ ਰਿਹਾ ਹੈ।
ਮੰਗਲਵਾਰ ਨੂੰ ਬੇਰੂਤ ਦੇ ਪੋਰਟ ਤੇ ਵਾਪਰੇ ਧਮਾਕੇ ਤੋਂ ਬਾਅਦ ਲੈਬਨੌਨ ਦੇ ਲੋਕਾਂ ਵੱਲੋਂ ਰਾਜਨੀਤਿਕ ਆਗੂਆਂ ਖਿਲਾਫ ਨਿਰਾਸ਼ਾ ਅਤੇ ਗੁੱਸਾ ਦਿਖਾਇਆ ਜਾ ਰਿਹਾ ਹੈ।
ਇਸ ਖੌਫਨਾਕ ਧਮਾਕੇ ਦਾ ਕਾਰਨ ਕਈ ਸਾਲਾਂ ਤੋਂ ਗਲਤ ਢੰਗ ਨਾਲ ਸਟੋਰ ਕੀਤੀ ਗਈ ਅਮੋਨੀਅਮ ਨਾਈਟਰੇਟ ਮੰਨੀ ਜਾ ਰਹੀ ਹੈ।
ਗੋਲਡ ਨੇ ਕਿਹਾ ਕਿ ਬੇਰੂਤ ਦੇ ਵਿੱਚ ਸਥਿਤ ਕੈਨੇਡਾ ਦੀ ਅੰਬੈਸੀ ਦਾ ਧਮਾਕੇ ਤੋਂ ਬਚਾਅ ਹੋ ਗਿਆ ਅਤੇ ਕਨੇਡੀਅਨ ਲੋਕਾਂ ਨੂੰ ਸਹਿਯੋਗ ਪ੍ਰਦਾਨ ਕਰਨ ਲਈ ਇਹ ਸੋਮਵਾਰ ਨੂੰ ਖੋਲ੍ਹ ਦਿੱਤੀ ਜਾਵੇਗੀ।
