21.19C Vancouver 21.19C VancouverFeb 16, 2021 8:25 PM -
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਕੈਨੇਡਾ ਨੂੰ ਮੌਡਰਨਾ ਵੈਕਸੀਨ ਦੀਆਂ 1.3 ਮਿਲੀਅਨ ਡੋਜ਼ ਹਾਸਿਲ ਹੋਣ ਜਾ ਰਹੀਆਂ ਹਨ।
ਉਨ੍ਹਾਂ ਕਿਹਾ ਕਿ ਸਮੇਂ ਸੀਮਾ ਨਾਲ ਜੁੜੀਆਂ ਕੁਝ ਅਨਿਸ਼ਚਿਤਤਾਵਾਂ ਦੇ ਬਾਵਜੂਦ, ਮਾਰਚ ਦੇ ਅੰਤ ਤਕ ਇਹ ਡਿਲਿਵਰੀਆਂ ਹੋਣ ਦੀ ਆਸ ਹੈ।
ਇਹਨਾਂ ਸ਼ਿਪਮੈਂਟਸ ਆਸਰੇ ਮੌਡਰਨਾ ਡੋਜ਼ ਦਾ ਮਾਰਚ ਦੇ ਅੰਤ ਤਕ ਦਾ ਕੁੱਲ ਅੰਕੜਾ 2 ਮਿਲੀਅਨ ਤਕ ਪਹੁੰਚ ਜਾਵੇਗਾ।
ਇਸ ਮਹੀਨੇ ਮੌਡਰਨਾ ਵੈਕਸੀਨ ਦੀ ਅਨੁਮਾਨ ਤੋਂ ਘਟ ਡਿਲੀਵਰੀ ਹੋਈ ਸੀ।
ਕੈਨੇਡਾ ਦਾ ਵੈਕਸੀਨ ਰੋਲ-ਆਊਟ ਇੱਕ ਵੀਰ ਫਿਰ ਤੋਂ ਗਤੀ ਫੜਦਾ ਵਿਖਾਈ ਦੇ ਰਿਹਾ ਹੈ ਅਤੇ ਫਾਈਜ਼ਰ-ਬਾਇਓਐਨਟੈਕ ਦੀਆਂ 878,000 ਤੋਂ ਵਧੇਰੇ ਡੋਜ਼, ਅਗਲੇ 2 ਹਫ਼ਤਿਆਂ 'ਚ ਕੈਨੇਡਾ ਪਹੁੰਚਣ ਦੇ ਆਸਾਰ ਹਨ।
ਕੁਝ ਪ੍ਰੋਡਕਸ਼ਨ ਅੜਿੱਕਿਆਂ ਦੇ ਚਲਦੇ ਇਸ ਵੈਕਸੀਨ ਦੀ ਡਿਲੀਵਰੀ 'ਚ ਵੀ ਵਿਘਨ ਪਏ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਮੌਡਰਨਾ ਦੇ ਮੁਖੀ ਨੇ ਉਨ੍ਹਾਂ ਨੂੰ ਭਰੋਸਾ ਦਵਾਇਆ ਹੈ ਕਿ ਕੰਪਨੀ ਵੱਲੋਂ ਆਪਣੇ ਕਰਾਰ 'ਤੇ ਪੂਰਾ ਉੱਤਰਿਆ ਜਾਵੇਗਾ ਅਤੇ ਅਗਲੇ ਮਹੀਨੇ ਦੇ ਅੰਤ ਤਕ ਵੈਕਸੀਨ ਦੀਆਂ 2 ਮਿਲੀਅਨ ਡੋਜ਼ ਉਪਲਬਧ ਕਰਵਾਈਆਂ ਜਾਣਗੀਆਂ।
ਪ੍ਰਧਾਨ ਮੰਤਰੀ ਨੇ ਦੱਸਿਆ ਕਿ ਫਾਈਜ਼ਰ ਦੀ ਹੁਣ ਤਕ ਦੀ ਕੈਨੇਡਾ ਪਹੁੰਚ ਰਹੀ ਸਭ ਤੋਂ ਵੱਡੀ ਸ਼ਿਪਮੈਂਟ ਵੀ ਇਸ ਹਫ਼ਤੇ ਕੈਨੇਡਾ ਪਹੁੰਚ ਜਾਵੇਗੀ।
