18.92C Vancouver 18.92C VancouverMar 18, 2025 6:30 PM - Connect Newsroom
ਕੈਨੇਡੀਅਨਾਂ ਨੂੰ ਦਿੱਤੀ ਗਈ ਜੀ. ਐੱਸ. ਟੀ. ਛੋਟ 15 ਫਰਵਰੀ ਨੂੰ ਸਮਾਪਤ ਹੋਣ ਵਿਚਕਾਰ ਕੈਨੇਡਾ ਦੀ ਸਾਲਾਨਾ ਮਹਿੰਗਾਈ ਦਰ ਫਰਵਰੀ ਵਿਚ 2.6 ਫੀਸਦੀ ਨੂੰ ਛੂਹ ਗਈ। ਇਹ ਸੱਤ ਮਹੀਨਿਆਂ ਵਿਚ ਪਹਿਲੀ ਵਾਰ ਹੈ ਜਦੋਂ ਮਹਿੰਗਾਈ ਦਰ ਨੇ 2 ਫੀਸਦੀ ਦੇ ਅੰਕੜੇ ਨੂੰ ਪਾਰ ਕੀਤਾ। ਜਨਵਰੀ ਵਿਚ ਇਹ 1.9 ਫੀਸਦੀ ਸੀ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਜੇ ਟੈਕਸ ਛੋਟ ਨਾ ਹੁੰਦੀ ਤਾਂ ਫਰਵਰੀ ਦੀ ਮਹਿੰਗਾਈ ਦਰ 3 ਫੀਸਦੀ ਹੋਣੀ ਸੀ। ਅਮਰੀਕਾ ਵਲੋਂ ਹਾਲ ਹੀ ਵਿਚ ਸ਼ੁਰੂ ਕੀਤੇ ਗਏ ਵਪਾਰ ਯੁੱਧ ਵਿਚਕਾਰ ਮਹਿੰਗਾਈ ਦਾ ਇਹ ਤਾਜ਼ਾ ਅੰਕੜਾ ਬੈਂਕ ਆਫ ਕੈਨੇਡਾ ਦੀ ਵਿਆਜ ਦਰਾਂ ਵਿਚ ਕਟੌਤੀ ਕਰਨ ਦੀ ਅੱਗੇ ਦੀ ਸਮਰੱਥਾ ਨੂੰ ਸੀਮਤ ਕਰ ਸਕਦਾ ਹੈ।
ਸਟੈਟਕੈਨ ਨੇ ਕਿਹਾ ਕਿ ਹਾਲਾਂਕਿ ਲਗਭਗ ਪੂਰੇ ਖਪਤਕਾਰ ਮੁੱਲ ਸੂਚਕਾਂਕ ਬਾਸਕਿਟ ਵਿਚ ਕੀਮਤਾਂ ਵਿਚ ਵਾਧਾ ਹੋਇਆ ਪਰ ਟੈਕਸ ਰਾਹਤ ਹਟਾਏ ਜਾਣ ਤੋਂ ਬਾਅਦ ਰੈਸਟੋਰੈਂਟ ਫੂਡ, ਕੁਝ ਕੱਪੜਿਆਂ ਅਤੇ ਸ਼ਰਾਬ ਕੀਮਤਾਂ ਵਿਚ ਜ਼ਿਆਦਾ ਵਾਧਾ ਦੇਖਣ ਨੂੰ ਮਿਲਿਆ। ਗੌਰਤਲਬ ਹੈ ਕਿ ਬੈਂਕ ਆਫ ਕੈਨੇਡਾ ਵਲੋਂ ਵਿਆਜ ਦਰ ਬਾਰੇ ਅਗਲਾ ਫੈਸਲਾ 16 ਅਪ੍ਰੈਲ ਨੂੰ ਲਏ ਜਾਣ ਤੋਂ ਪਹਿਲਾਂ ਇਹ ਮਹੱਤਵਪੂਰਨ ਆਰਥਿਕ ਅੰਕੜਾ ਹੈ।
