19.55C Vancouver 19.55C VancouverMay 19, 2026 2:07 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਮਹਿੰਗਾਈ ਦਰ ਅਪ੍ਰੈਲ ਵਿਚ ਵੱਧ ਕੇ 2.8 ਫੀਸਦੀ ਹੋ ਗਈ ਹੈ, ਇਸ ਵਿਚ ਖਾਸ ਤੌਰ 'ਤੇ ਝਟਕਾ ਗੈਸੋਲੀਨ ਕੀਮਤਾਂ ਕਾਰਨ ਲੱਗਾ ਹੈ। ਇਹ ਲਗਭਗ ਦੋ ਸਾਲਾਂ ਵਿਚ ਪਹਿਲੀ ਵਾਰ ਹੈ ਜਦੋਂ ਸਾਲਾਨਾ consumer price index ਰੀਡਿੰਗ ਇਸ ਪੱਧਰ 'ਤੇ ਪਹੁੰਚੀ ਹੈ, ਜੋ ਇਹ ਦਿਖਾਉਂਦਾ ਹੈ ਕਿ 28 ਫਰਵਰੀ ਨੂੰ ਮਿਡਲ ਈਸਟ ਵਿਚ ਸ਼ੁਰੂ ਹੋਈ ਜੰਗ ਨੇ ਕਿਵੇਂ ਗਲੋਬਲ ਆਰਥਿਕਤਾ ਨੂੰ ਪ੍ਰਭਾਵਿਤ ਕੀਤਾ ਹੈ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਪਿਛਲੇ ਮਹੀਨੇ ਗੈਸੋਲੀਨ ਕੀਮਤਾਂ ਵਿਚ ਸਾਲ ਪਹਿਲਾਂ ਦੇ ਮੁਕਾਬਲੇ 28.6 ਫੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲਿਆ, ਇਸ ਤੋਂ ਪਹਿਲਾਂ ਮਾਰਚ ਵਿਚ ਵੀ ਮਹਿੰਗਾਈ ਦਰ ਦੇ 2.4 ਫੀਸਦੀ 'ਤੇ ਪਹੁੰਚਣ ਦਾ ਮੁੱਖ ਕਾਰਨ ਹਾਈ ਐਨਰਜੀ ਪ੍ਰਾਈਜ਼ ਸਨ। ਉਥੇ ਹੀ, ਇਸ ਦੌਰਾਨ ਫੂਡ ਇਨਫਲੇਸ਼ਨ ਵਿਚ ਨਰਮੀ ਦੇਖਣ ਨੂੰ ਮਿਲੀ, ਇਹ ਅਪ੍ਰੈਲ ਵਿਚ 3.5 ਫੀਸਦੀ ਦਰਜ ਹੋਈ, ਜੋ ਮਾਰਚ ਵਿਚ 4 ਫੀਸਦੀ ਸੀ।
Economists ਦਾ ਮੰਨਣਾ ਹੈ ਕਿ ਮਹਿੰਗਾਈ ਦਰ ਵਧਣ ਨਾਲ ਬੈਂਕ ਔਫ ਕੈਨੇਡਾ 'ਤੇ ਆਉਣ ਵਾਲੇ ਮਹੀਨਿਆਂ ਵਿਚ ਵਿਆਜ ਦਰਾਂ ਵਧਾਉਣ ਦਾ ਦਬਾਅ ਪੈ ਸਕਦਾ ਹੈ ਕਿਉਂਕਿ ਇਸ ਦਾ ਪ੍ਰਮੁੱਖ ਟੀਚਾ consumer price index ਨੂੰ ਇੱਕ ਤੋਂ ਤਿੰਨ ਫੀਸਦੀ ਵਿਚਕਾਰ ਰੱਖਣਾ ਹੈ। ਫਿਲਹਾਲ ਬੈਂਕ ਔਫ ਕੈਨੇਡਾ ਵਲੋਂ 10 ਜੂਨ ਨੂੰ ਵਿਆਜ ਦਰਾਂ ਬਾਰੇ ਫੈਸਲਾ ਲਿਆ ਜਾਣਾ ਹੈ, ਜਿਸ ਦੌਰਾਨ ਅਗਲੇ ਸੰਕੇਤ ਮਿਲਣ ਦੀ ਉਮੀਦ ਹੈ।
