ਕੈਨੇਡਾ ਦਾ ਸਭ ਤੋਂ ਵੱਡਾ ਸ਼ੂਗਰ ਪ੍ਰੋਸੈਸਿੰਗ ਪਲਾਂਟ ਓਨਟਾਰੀਓ ਦੇ ਹੈਮਿਲਟਨ ਹੋਣ ਜਾ ਰਿਹਾ ਸਥਾਪਿਤ

ਕੈਨੇਡਾ ਦਾ ਸਭ ਤੋਂ ਵੱਡਾ ਸ਼ੂਗਰ ਪ੍ਰੋਸੈਸਿੰਗ ਪਲਾਂਟ ਓਨਟਾਰੀਓ ਦੇ ਹੈਮਿਲਟਨ ਵਿਚ ਸਥਾਪਿਤ ਹੋਣ ਜਾ ਰਿਹਾ ਹੈ। ਉੱਤਰੀ ਅਮਰੀਕਾ ਦੇ ਵੱਡੇ ਨਿਰਮਾਤਾ ਸਕਿਊਰੋਕੈਨ ਸੋਰਸਿੰਗ ਨੇ ਇਸ ਯੋਜਨਾ ਦਾ ਖੁਲਾਸਾ ਕੀਤਾ ਹੈ।

ਕੰਪਨੀ ਨੇ ਕਿਹਾ ਕਿ ਉਹ ਨਵੀਂ ਰਿਫਾਇਨਰੀ ਲਈ $135-ਮਿਲੀਅਨ ਇਨਵੈਸਟ ਕਰੇਗੀ, ਜੋ 2025 ਵਿਚ ਖੁੱਲ੍ਹਣ ਦੀ ਉਮੀਦ ਹੈ। ਇਸ ਰਿਫਾਇਨਰੀ ਵਿਚ ਪ੍ਰਤੀ ਸਾਲ ਲਗਭਗ 10 ਲੱਖ ਮੀਟ੍ਰਿਕ ਟਨ ਖੰਡ ਦਾ ਉਤਪਾਦਨ ਹੋਵੇਗਾ।

ਸਕਿਊਰੋਕੈਨ ਦੇ ਫਾਊਡਰ ਅਤੇ ਸੀ. ਈ. ਓ. ਜੋਨਾਥਨ ਟੇਲਰ ਨੇ ਕਿਹਾ ਕਿ ਕੈਨੇਡਾ ਅਤੇ ਅਮਰੀਕਾ ਵਿਚ ਵੱਧ ਰਹੇ ਫੂਡ ਪ੍ਰੋਸੈਸਿੰਗ ਸੈਕਟਰ ਅਤੇ ਸਥਿਰ ਰਿਫਾਈਨਿੰਗ ਸਮਰੱਥਾ ਵਿਚਕਾਰ ਖੰਡ ਦੀ ਹਾਲ ਹੀ ਦੀ ਮੰਗ ਕਾਫ਼ੀ ਜ਼ਿਆਦਾ ਹੈ, ਖਾਸ ਕਰਕੇ ਓਨਟਾਰੀਓ ਵਿਚ, ਜਿੱਥੇ ਖੰਡ ਦੀ ਮੰਗ ਉੱਤਰੀ ਅਮਰੀਕਾ ਵਿਚ ਸਭ ਤੋਂ ਤੇਜ਼ੀ ਨਾਲ ਵੱਧ ਰਹੀ ਹੈ।

ਕੈਨੇਡਾ ਵਿਚ ਸਤੰਬਰ ਤੋਂ ਆਮ ਤੌਰ ’ਤੇ ਘੱਟ ਉਤਪਾਦਨ ਅਤੇ ਬੀ.ਸੀ. ਦੀ ਰੋਗਰਸ ਸ਼ੂਗਰ ਵਿਚ ਹੜਤਾਲ ਕਰਨ ਸਪਲਾਈ ਮੱਧਮ ਪਈ ਹੈ। ਰੋਗਰਸ ਸ਼ੂਗਰ ਨੇ ਪੂਰੇ ਸਾਲ 24 ਘੰਟੇ ਰਿਫਾਈਨਰੀ ਅਪ੍ਰੇਸ਼ਨ ਚਲਾਉਣ ਦਾ ਪ੍ਰਸਤਾਵ ਦਿੱਤਾ ਸੀ, ਜਿਸ ਨੂੰ ਲੈ ਕੇ ਵਰਕਰਜ਼ ਨੇ ਹੜਤਾਲ ਕਰ ਦਿੱਤੀ। ਰੋਜਰਸ ਸਮੇਤ ਕਈ ਖੰਡ ਉਤਪਾਦਕਾਂ ਨੇ ਆਪਣੇ ਵਿਸਤਾਰ ਦੀ ਯੋਜਨਾ ਬਣਾਈ ਹੈ।

ਕੈਨੇਡੀਅਨ ਸ਼ੁਗਰ ਇੰਸਟੀਚਿਊਟ ਮੁਤਾਬਕ, 2022 ਦੌਰਾਨ ਚਾਰ ਸੂਬਿਆਂ ਵਿਚ ਤਕਰੀਬਨ 1.4 ਮਿਲੀਅਨ ਟਨ ਰਿਫਾਈਨਡ ਖੰਡ ਦਾ ਉਤਪਾਦਨ ਕੀਤਾ ਗਿਆ, ਜਿਸ ਦੀ ਅਨੁਮਾਨਤ ਕੀਮਤ $1.4 ਬਿਲੀਅਨ ਸੀ।