19.63C Vancouver 19.63C VancouverJun 24, 2024 7:03 PM - The Canadian Press
ਕੈਨੇਡਾ ਦੀ ਆਬਾਦੀ 2073 ਤੱਕ 63 ਮਿਲੀਅਨ ਤੱਕ ਪਹੁੰਚ ਸਕਦੀ ਹੈ, ਜਿਸ ਵਿਚ 85 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਦੀ ਗਿਣਤੀ ਤਿੰਨ ਗੁਣਾ ਹੋ ਜਾਵੇਗੀ। ਸਟੈਟਿਸਟਿਕਸ ਕੈਨੇਡਾ ਨੇ ਸੋਮਵਾਰ ਜਾਰੀ ਰਿਪੋਰਟ ਵਿਚ ਇਹ ਅਨੁਮਾਨ ਪ੍ਰਗਟ ਕੀਤਾ।
ਏਜੰਸੀ ਦਾ ਕਹਿਣਾ ਹੈ ਕਿ ਸਾਰੇ ਹਾਲਾਤ ਵਿਚ ਪ੍ਰਵਾਸੀ ਹੀ ਆਬਾਦੀ ਦੇ ਵਾਧੇ ਦਾ ਮੁੱਖ ਕਾਰਨ ਹੋਵੇਗਾ। ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, 85 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਦੀ ਜਨਸੰਖਿਆ 2023 ਦੀ 896,600 ਤੋਂ ਵੱਧ ਕੇ 2073 ਵਿਚ 3.3 ਮਿਲੀਅਨ ਤੋਂ 4.3 ਮਿਲੀਅਨ ਵਿਚਕਾਰ ਹੋ ਜਾਵੇਗੀ, ਜਿਸ ਨਾਲ ਹੈਲਥ ਕੇਅਰ ਵਰਗੇ ਸਰੋਤਾਂ ’ਤੇ ਦਬਾਅ ਵਧੇਗਾ, ਹਾਲਾਂਕਿ ਜਨਸੰਖਿਆ ਸਿਖਰ ’ਤੇ ਪਹੁੰਚ ਤੋਂ ਬਾਅਦ ਦਬਾਅ ਘੱਟ ਹੋ ਜਾਵੇਗਾ ਪਰ ਇਸ ਵਿਚ ਅੱਧਾ ਦਹਾਕਾ ਲੱਗ ਜਾਵੇਗਾ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਨਿਊਫਾਊਂਡਲੈਂਡ ਅਤੇ ਲੈਬਰਾਡੋਰ, ਨੋਵਾ ਸਕੋਸ਼ੀਆ, ਨਿਊ ਬਰੰਜ਼ਵਿਕ, ਅਤੇ ਕਿਊਬਿਕ ਦੀ ਆਬਾਦੀ 2048 ਤੱਕ ਕੈਨੇਡਾ ਦੀ ਕੁੱਲ ਆਬਾਦੀ ਦੀ ਤੁਲਨਾ ਵਿਚ ਘਟਣ ਦੀ ਉਮੀਦ ਹੈ। ਦੂਜੇ ਪਾਸੇ, ਸਸਕੈਚਵਨ, ਅਲਬਰਟਾ, ਅਤੇ ਬ੍ਰਿਟਿਸ਼ ਕੋਲੰਬੀਆ ਦੀ ਆਬਾਦੀ ਦਾ ਯੋਗਦਾਨ ਕੈਨੇਡਾ ਦੀ ਕੁੱਲ ਆਬਾਦੀ ਵਿਚ ਵਧਣ ਦੀ ਸੰਭਾਵਨਾ ਹੈ।
