19.1C Vancouver 19.1C VancouverFeb 12, 2025 12:50 PM - The Canadian Press
ਕੈਨੇਡਾ ਭਰ ਦੇ ਪ੍ਰੀਮੀਅਰ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀਆਂ ਟੈਰਿਫਸ ਯੋਜਨਾਵਾਂ ਨੂੰ ਟਾਲਣ ਦੀ ਕੋਸ਼ਿਸ਼ ਤਹਿਤ ਅੱਜ ਅਮਰੀਕੀ ਸਾਂਸਦਾਂ, ਵਪਾਰਕ ਸਮੂਹ ਅਤੇ ਲਾਬੀਸਟ ਨਾਲ ਮੁਲਾਕਾਤ ਕਰਨ ਲਈ ਵਾਸ਼ਿੰਗਟਨ ਵਿਚ ਹਨ।
ਇਹ ਪਹਿਲੀ ਵਾਰ ਹੈ ਜਦੋਂ ਸਾਰੇ 13 ਪ੍ਰੀਮੀਅਰ ਇਕੱਠੇ ਅਮਰੀਕੀ ਰਾਜਧਾਨੀ ਦੀ ਯਾਤਰਾ 'ਤੇ ਹਨ। ਪ੍ਰੀਮੀਅਰ ਦੀ ਕੌਂਸਲ ਨੂੰ ਲੀਡ ਕਰ ਰਹੇ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਬੀਤੇ ਕੱਲ ਅਮਰੀਕੀ ਚੈਂਬਰ ਆਫ਼ ਕਾਮਰਸ ਦੇ ਮੈਂਬਰਾਂ ਨੂੰ ਅਪੀਲ ਕੀਤੀ ਕਿ ਉਹ ਟਰੰਪ ਨੂੰ ਇਹ ਸੁਨੇਹਾ ਭੇਜਣ ਕਿ ਟੈਰਿਫ ਨਾਲ ਅਮਰੀਕੀ ਅਤੇ ਕੈਨੇਡੀਅਨ ਦੋਵਾਂ ਅਰਥਵਿਵਸਥਾਵਾਂ ਨੂੰ ਨੁਕਸਾਨ ਹੋਵੇਗਾ ਅਤੇ ਇਹ ਕਿਸੇ ਦੇ ਪੱਖ ਵਿਚ ਨਹੀਂ ਹੈ।
ਕੈਨੇਡਾ ਦੇ ਪ੍ਰੀਮੀਅਰ ਦਾ ਅਮਰੀਕਾ ਦੌਰਾ ਉਦੋਂ ਹੈ ਜਦੋਂ ਵ੍ਹਾਈਟ ਹਾਊਸ ਦੇ ਇੱਕ ਅਧਿਕਾਰੀ ਨੇ ਤਾਜ਼ਾ ਬਿਆਨ ਵਿਚ ਕਿਹਾ ਹੈ ਕਿ ਕੈਨੇਡਾ ਸਮੇਤ ਅਮਰੀਕਾ ਵਿਚ ਆਉਣ ਵਾਲੇ ਸਾਰੇ ਸਟੀਲ ਅਤੇ ਐਲੂਮੀਨੀਅਮ ਇੰਪੋਰਟ 'ਤੇ 25 ਫੀਸਦੀ ਟੈਰਿਫ ਮੌਜੂਦਾ ਡਿਊਟੀਜ਼ ਤੋਂ ਇਲਾਵਾ ਹੋਵੇਗਾ ਅਤੇ ਇਹ ਨਵਾਂ ਟੈਰਿਫ 12 ਮਾਰਚ ਤੋਂ ਲਾਗੂ ਹੋਵੇਗਾ।
ਗੌਰਤਲਬ ਹੈ ਕਿ ਕੈਨੇਡਾ ਵਲੋਂ ਸਾਰੇ ਪੱਧਰਾਂ ਤੋਂ ਮਹੀਨਿਆਂ ਦੀ ਕੂਟਨੀਤੀ ਦੇ ਬਾਵਜੂਦ ਇਹ ਸਪੱਸ਼ਟ ਨਹੀਂ ਹੈ ਕਿ ਟਰੰਪ ਟੈਰਿਫਸ ਨੂੰ ਟਾਲਣਗੇ ਜਾਂ ਨਹੀਂ। ਸ਼ੂਰ ਵਿਚ ਉਨ੍ਹਾਂ ਟੈਰਿਫਸ ਦੀਆਂ ਧਮਕੀਆਂ ਸਰਹੱਦੀ ਸੁਰੱਖਿਆ ਅਤੇ ਫੈਂਟਾਨਿਲ ਨੂੰ ਲੈ ਕੇ ਦਿੱਤੀਆਂ ਸਨ ਪਰ ਉਸ ਤੋਂ ਬਾਅਦ ਉਹਨਾਂ ਬਚਾਅ ਖਰਚ ਅਤੇ ਵਪਾਰ ਘਾਟੇ ਨੂੰ ਮੁੱਦਾ ਬਣਾਇਆ ਹੈ।
