14.6C Vancouver 14.6C VancouverMar 9, 2020 5:38 PM -
ਕੈਨੇਡਾ ਦੀ ਚੀਫ ਪਬਲਿਕ ਹੈਲਥ ਅਫਸਰ ਦਾ ਕਹਿਣਾ ਹੈ ਕਿ ਕਨੇਡੀਅਨ ਲੋਕਾਂ ਨੂੰ ਕਰੋਨਾਵਾਇਰਸ ਤੋਂ ਬਚਣ ਲਈ ਸਮੁੰਦਰੀ ਜਹਾਜ਼ਾਂ ਤੇ ਸਫਰ ਕਰਨ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।
ਡਾਕਟਰ ਥਰਿਸਾ ਟੈਮ ਨੇ ਪਹਿਲਾਂ ਕਿਹਾ ਸੀ ਕਿ, ਕਰੂਜ਼ ਸ਼ਿਪ ਤੇ ਸਫਰ ਕਰਨ ਤੋਂ ਪਹਿਲਾਂ ਲੋਕ ਚੰਗੀ ਤਰ੍ਹਾਂ ਸੋਚ ਵਿਚਾਰ ਕਰਨ ਪਰ ਸੋਮਵਾਰ ਸਵੇਰ ਇੱਕ ਪੱਤਰਕਾਰ ਸਮੇਲਨ ਦੌਰਾਨ ਉਨ੍ਹਾਂ ਇਸ ਚੇਤਾਵਨੀ ਉੱਤੇ ਜ਼ੋਰ ਦਿੱਤਾ।
ਟੈਮ ਨੇ ਕਿਹਾ ਕਿ ਸਮੁੰਦਰੀ ਜਹਾਜ਼ ਕੋਵਿੱਡ-19 ਤੋਂ ਪ੍ਰਭਾਵਤ ਇਲਾਕਿਆਂ ਵਿੱਚ ਸਫਰ ਕਰਦੇ ਹੋ ਸਕਦੇ ਹਨ।
ਕੈਨੇਡਾ ਵਿੱਚ ਵਾਇਰਸ ਦੇ 6 ਕੇਸਾਂ ਦਾ ਸੰਬੰਧ ਸੈਨ ਫਰਾਂਸਿਸਕੋ ਤੋਂ ਸ਼ੁਰੂ ਹੋਏ ਗ੍ਰੈੰਡ ਪ੍ਰਿੰਸੇਸ ਕਰੂਜ਼ ਸ਼ਿਪ ਨਾਲ ਹੁੰਦਾ ਮਨਿਆ ਜਾ ਰਿਹਾ ਹੈ।
ਇਸ ਜਹਾਜ਼ ਤੇ ਫਸੇ ਬਾਕੀ ਕਨੇਡੀਅਨ ਲੋਕਾਂ ਨੂੰ ਓਂਟਾਰੀਓ ਵਿਖੇ ਕੁਆਰੰਟੀਨ ਵਾਸਤੇ ਲੈ ਆਇਆ ਜਾ ਰਿਹਾ ਹੈ।
