12.47C Vancouver 12.47C VancouverApr 27, 2021 5:27 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕਨੇਡੀਅਨ ਆਰਮਡ ਫੋਰਸਿਜ਼ ਵੱਲੋਂ, ਨੋਵਾ ਸਕੌਸ਼ੀਆ ਦੇ ਕੋਵਿਡ-19 ਟੈਸਟਿੰਗ ਸੈਂਟਰਾਂ 'ਚ ਮਦਦ ਪ੍ਰਦਾਨ ਕਰਨ ਲਈ 60 ਸਰਵਿਸ ਮੈਂਬਰ ਭੇਜੇ ਜਾ ਰਹੇ ਹਨ।
ਟਰੂਡੋ ਨੇ ਕਿਹਾ ਕਿ ਸੂਬੇ ਵੱਲੋਂ ਮਦਦ ਦੀ ਮੰਗ ਕੀਤੀ ਗਈ ਸੀ।
ਸੂਬੇ 'ਚ ਅਤੇ ਖਾਸ ਤੌਰ 'ਤੇ ਹੈਲੀਫੈਕਸ ਇਲਾਕੇ 'ਚ ਕੋਵਿਡ-19 ਮਾਮਲਿਆਂ ਦੀ ਗਿਣਤੀ ਵਧਦੀ ਰਹੀ ਹੈ।
ਇਹ ਫੈਸਲਾ ਉਸ ਵੇਲੇ ਲਿਆ ਗਿਆ ਹੈ ਜਦ ਇੱਕ ਦਿਨ ਪਹਿਲਾਂ ਹੀ ਔਂਟੈਰੀਓ ਲਈ ਵੀ ਮਿਲਟਰੀ ਦੀ ਮਦਦ ਭੇਜਣ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
ਨੋਵਾ ਸਕੌਸ਼ੀਆ 'ਚ ਅੱਜ 96 ਮਾਮਲੇ ਰਿਪੋਰਟ ਹੋਏ ਹਨ ਜੋ ਸੂਬੇ 'ਚ ਇੱਕ ਦਿਨ 'ਚ ਰਿਪੋਰਟ ਹੋਣ ਵਾਲਾ ਸਭ ਤੋਂ ਵੱਡਾ ਅੰਕੜਾ ਹੈ।
ਟਰੂਡੋ ਨੇ ਅੱਜ ਦੱਸਿਆ ਕਿ ਫੋਰਸਿਜ਼ ਵੱਲੋਂ ਇੱਕ ਅਸੈਸਮੈਂਟ ਕੀਤੀ ਗਈ ਹੈ ਕਿ ਔਂਟੈਰੀਓ ਨੂੰ ਜ਼ਮੀਨ 'ਤੇ ਕਿਸ ਪ੍ਰਕਾਰ ਦੀਆਂ ਲੋੜਾਂ ਹਨ ਅਤੇ ਆਉਂਦੇ ਦਿਨਾਂ 'ਚ ਮਿਲਟਰੀ ਨੂੰ ਮੋਬਿਲਾਈਜ਼ ਕੀਤਾ ਜਾਵੇਗਾ।
ਟਰੂਡੋ ਨੇ ਕਿਹਾ ਕਿ ਵਰਦੀਧਾਰੀ ਔਰਤਾਂ ਅਤੇ ਮਰਦਾਂ ਨੂੰ ਔਂਟੈਰੀਓ ਭੇਜਣਾ ਇੱਕ ਗੰਭੀਰ ਕਦਮ ਹੈ ਅਤੇ ਔਟਵਾ ਨੇ ਇਹ ਮਦਦ ਭੇਜਣ ਦਾ ਫੈਸਲਾ ਸੋਚ-ਸਮਝ ਕੇ ਲਿਆ ਹੈ।
ਉਨ੍ਹਾਂ ਕਿਹਾ ਕਿ ਐਲਬਰਟਾ ਨੂੰ ਵੀ ਪੁੱਛਿਆ ਗਿਆ ਹੈ ਕਿ ਉਨ੍ਹਾਂ ਲਈ ਕਿਸ ਪ੍ਰਕਾਰ ਦੀ ਮਦਦ ਪ੍ਰਦਾਨ ਕੀਤੀ ਜਾ ਸਕਦੀ ਹੈ।
