15.22C Vancouver 15.22C VancouverMar 2, 2021 4:19 PM -
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਕੋਵਿਡ-19 ਮਹਾਂਮਾਰੀ ਕਾਰਣ ਵਪਾਰ ਬੰਦ ਹੋਣ ਅਤੇ ਨੌਕਰੀਆਂ ਖਤਮ ਹੋ ਜਾਣ ਦੀ ਵਜ੍ਹਾ ਨਾਲ 2020 ਵਿੱਚ ਆਰਥਕਤਾ ਵਿੱਚ ਇੱਕ ਸਾਲ ਦੇ ਅੰਦਰ ਆਉਣ ਵਾਲੀ ਸਭ ਤੋਂ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ।
ਏਜੇਂਸੀ ਅਨੁਸਾਰ 2020 ਵਿੱਚ ਕੁੱਲ ਘਰੇਲੂ ਉਤਪਾਦ (GDP) ਦੀ ਦਰ ਘੱਟਕੇ 5.4 ਫ਼ੀਸਦੀ ਹੋ ਗਈ ਸੀ ਜੋ ਕਿ 1961 ਤੋਂ ਬਾਅਦ ਆਈ ਸਭ ਤੋਂ ਵੱਡੀ ਗਿਰਾਵਟ ਹੈ।
ਆਰਥਿਕਤਾ ਉੱਤੇ ਸਭ ਤੋਂ ਜ਼ਿਆਦਾ ਅਸਰ ਮਹਾਂਮਾਰੀ ਦੀ ਪਹਿਲੀ ਲਹਿਰ ਕਾਰਣ ਮਾਰਚ ਅਤੇ ਅਪ੍ਰੈਲ ਵਿਚ ਕਾਰੋਬਾਰਾਂ ਦੇ ਬੰਦ ਹੋਣ ਨਾਲ ਪਿਆ।
ਉਸ ਤੋਂ ਬਾਅਦ ਇਸ ਵਿੱਚ ਬਹੁਤ ਘੱਟ ਪਰ ਸਥਿਰ ਵਾਧਾ ਹੁੰਦਾ ਦੇਖਣ ਨੂੰ ਮਿਲਿਆ।
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਅਰਥ ਵਿਵਸਥਾ ਪਿਛਲੇ ਸਾਲ ਦੀ ਚੌਥੀ ਤਿਮਾਹੀ ਵਿਚ 9.6 ਪ੍ਰਤੀਸ਼ਤ ਦੀ ਸਲਾਨਾ ਦਰ ਨਾਲ ਵਧੀ, ਜੱਦ ਕਿ ਤੀਜੀ ਤਿਮਾਹੀ ਵਿਚ ਸਲਾਨਾ ਵਾਧੇ ਦੀ ਦਰ 40.6 ਫ਼ੀਸਦੀ ਸੀ।
ਫਾਈਨੈਂਸ਼ਲ ਮਾਰਕਿਟ ਡਾਟਾ ਫਰਮ ਰੈਫੀਨਿਟੀਵ ਮੁਤਾਬਕ ਇਹ ਅਨੁਮਾਨ ਨਾਲੋਂ ਵੱਧ ਸੀ ਕਿਉਂਕਿ ਅਰਥ ਸ਼ਾਸਤਰੀਆਂ ਦਾ ਅੰਦਾਜ਼ਾ 7.5 ਫ਼ੀਸਦੀ ਦਾ ਸੀ।
