9.98C Vancouver 9.98C VancouverJul 30, 2025 1:29 PM - The Canadian Press
ਕੈਨੇਡਾ ਸਰਕਾਰ ਇਸ ਪਤਝੜ ਵਿੱਚ ਜ਼ਮਾਨਤ ਸੁਧਾਰ ਬਿੱਲ ਪੇਸ਼ ਕਰਨ ਜਾ ਰਹੀ ਹੈ। ਸਰਕਾਰ 'ਤੇ ਪ੍ਰੀਮੀਅਰ ਦਾ ਇਸ ਲਈ ਕਾਫ਼ੀ ਦਬਾਅ ਹੈ।
ਇਸ ਸਪਰਿੰਗ ਵਿਚ ਸੰਘੀ ਚੋਣਾਂ ਦੌਰਾਨ ਲਿਬਰਲਸ ਨੇ ਕਈ ਅਪਰਾਧਾਂ ਲਈ ਰਿਵਰਸ ਓਨੁਸ ਲਾਗੂ ਕਰਕੇ ਜ਼ਮਾਨਤ ਨਿਯਮਾਂ ਨੂੰ ਸਖ਼ਤ ਬਣਾਉਣ ਲਈ ਹਮਲਾਵਰ ਕਦਮ ਉਠਾਉਣ ਦਾ ਵਾਅਦਾ ਕੀਤਾ ਸੀ, ਰਿਵਰਸ ਓਨੁਸ ਤੋਂ ਭਾਵ ਮੁਲਜ਼ਮ ਨੂੰ ਆਪਣੀ ਜ਼ਮਾਨਤ ਦੀ ਜਾਇਜ਼ਤਾ ਨੂੰ ਸਾਬਤ ਕਰਨਾ ਹੋਵੇਗਾ।
ਕੈਨੇਡਾ ਦੇ ਕ੍ਰਿਮੀਨਲ ਕੋਡ ਵਿਚ ਪਹਿਲਾਂ ਹੀ ਕਤਲ ਸਮੇਤ ਕਈ ਗੰਭੀਰ ਅਪਰਾਧਾਂ ਵਿਚ ਜ਼ਮਾਨਤ ਲਈ ਰਿਵਰਸ ਓਨੁਸ ਸਿਸਟਮ ਹੈ, ਲਿਬਰਲ ਸਰਕਾਰ ਹੁਣ ਇਸ ਸੂਚੀ ਵਿਚ ਨਵੇਂ ਅਪਰਾਧ ਸ਼ਾਮਲ ਕਰੇਗੀ, ਜਿਸ ਵਿਚ ਹਿੰਸਾ ਨਾਲ ਸਬੰਧਤ ਕਾਰ ਚੋਰੀਆਂ ਜਾਂ ਕਿਸੇ ਅਪਰਾਧਿਕ ਸੰਗਠਨ ਲਈ ਕੀਤੀ ਗਈ ਚੋਰੀ ਅਤੇ ਘਰਾਂ ਵਿਚ ਹਮਲੇ ਅਤੇ ਕੁਝ ਮਨੁੱਖੀ ਤਸਕਰੀ ਅਤੇ ਤਸਕਰੀ ਦੇ ਅਪਰਾਧ ਸ਼ਾਮਲ ਹਨ।
ਨਿਆਂ ਮੰਤਰੀ ਸ਼ੌਨ ਫਰੇਜ਼ਰ ਨੇ ਪੁਸ਼ਟੀ ਕੀਤ ਕਿ ਉਹਨਾਂ ਦੀ ਪਤਝੜ ਵਿਚ ਇੱਕ ਅਪਰਾਧ ਬਿੱਲ ਬਿੱਲ ਪੇਸ਼ ਕਰਨ ਦੀ ਯੋਜਨਾ ਹੈ। ਗੌਰਤਲਬ ਹੈ ਕਿ ਕੰਜ਼ਰਵੇਟਿਵ ਪਾਰਟੀ ਲੰਮੇ ਸਮੇਂ ਤੋਂ ਲਿਬਰਲਸ ਉਤੇ ਕ੍ਰਾਈਮ ਪ੍ਰਤੀ ਨਰਮ ਹੋਣ ਦਾ ਦੋਸ਼ ਲਗਾ ਰਹੀ ਹੈ।
