18.06C Vancouver 18.06C VancouverFeb 14, 2020 6:27 PM -
ਮਨਿਸਟਰ ਆਫ ਫੌਰਨ ਅਫੇਯਰਜ਼ ਫਰੌਨਸੁਆ-ਫਿਲੀਪ ਸ਼ੈਮਪੇਨ ਨੇ ਕਿਹਾ ਕਿ ਜਪਾਨ ਵਿੱਚ ਕੁਆਰੰਟੀਨ ਕੀਤੇ ਗਏ ਸਮੁੰਦਰੀ ਜਹਾਜ਼ ਤੇ ਜਿਨ੍ਹਾਂ 12 ਕਨੇਡੀਅਨ ਵਿਅਕਤੀਆਂ ਨੂੰ ਪੀੜਤ ਪਾਇਆ ਗਿਆ ਹੈ ਉਨ੍ਹਾਂ ਨੂੰ ਅਤੇ ਜਪਾਨੀ ਅਧਿਕਾਰੀਆਂ ਨੂੰ ਸਹਿਯੋਗ ਪ੍ਰਦਾਨ ਕਰਨ ਵਾਸਤੇ ਕੈਨੇਡਾ ਵੱਲੋਂ ਸਿਹਤ ਸੰਭਾਲ ਕਰਮਚਾਰੀ ਜਪਾਨ ਭੇਜੇ ਗਏ ਹਨ।
ਸ਼ੈਂਪੇਨ ਨੇ ਕਿਹਾ ਕਿ ਪਬਲਿਕ ਹੈਲਥ ਏਜੰਸੀ ਦੇ 3 ਮੈਂਬਰ ਅਤੇ ਕਨੇਡੀਅਨ ਆਰਮਡ ਫੋਰਸਜ਼ ਦੇ 2 ਸਿਹਤ ਅਧਿਕਾਰੀ ਯੋਕੋਹਾਮਾ ਵਿੱਚ ਹਨ।
ਡਾਇਮੰਡ ਪ੍ਰਿੰਸੈਸ ਨਾਂ ਦੇ ਸਮੁੰਦਰੀ ਜਹਾਜ਼ ਤੇ ਮੌਜੂਦ 3,500 ਯਾਤਰੀਆਂ ਵਿੱਚੋਂ 218 ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ ਅਤੇ ਪਿਛਲੇ ਕਈ ਦਿਨਾਂ ਤੋਂ ਇਸ ਨੂੰ ਕੁਆਰੰਟੀਨ ਰੱਖਿਆ ਗਿਆ ਹੈ।
ਸ਼ੈਮਪੇਨ ਮੁਤਾਬਕ ਜਪਾਨੀ ਸਰਕਾਰ ਵੱਲੋਂ ਕੁਝ ਬਜ਼ੁਰਗ ਵਿਅਕਤੀਆਂ ਨੂੰ ਜਹਾਜ਼ ਤੋਂ ਥੱਲੇ ਉੱਤਰ ਕੇ ਕੁਆਰੰਟੀਨ ਰਹਿਣ ਦੀ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
ਕੰਬੋਡੀਆ ਦੇ ਵਿੱਚ ਵਿੱਚ ਖੜ੍ਹਾ ਸਮੁੰਦਰੀ ਜਹਾਜ਼ ਜਿਸ ਉੱਤੇ 279 ਕਨੇਡੀਅਨ ਮੌਜੂਦ ਹਨ ਦੇ ਸਬੰਧ ਵਿੱਚ ਵੀ ਅਧਿਕਾਰੀ ਕੰਬੋਡੀਆ ਦੀ ਸਰਕਾਰ ਨਾਲ ਸੰਪਰਕ ਵਿੱਚ ਹਨ।
ਵੈਸਟਰਡੈਮ ਨਾਂ ਦੇ ਇਸ ਜਹਾਜ਼ ਉੱਤੇ ਕਿਸੇ ਵੀ ਯਾਤਰੀ ਨੂੰ ਕੋਵਿਡ-19 ਵਾਇਰਸ ਨਾਲ ਪੀੜਤ ਨਹੀਂ ਪਾਇਆ ਗਿਆ।
ਸ਼ੈਂਪੇਨ ਨੇ ਕਿਹਾ ਕਿ ਜਹਾਜ਼ ਦੇ ਕਨੇਡੀਅਨ ਯਾਤਰੀਆਂ ਨੂੰ ਵਾਪਸ ਘਰ ਲਿਆਉਣ ਲਈ ਯਤਨ ਲਗਾਤਾਰ ਜਾਰੀ ਹਨ।
