13.04C Vancouver 13.04C VancouverApr 14, 2025 5:28 PM - Connect Newsroom
ਕੈਨੇਡੀਅਨ ਸੰਸਦੀ ਚੋਣਾਂ ਵਿਚ ਇਸ ਵਾਰ ਰਿਕਾਰਡ ਗਿਣਤੀ ਵਿਚ ਭਾਰਤੀ ਅਤੇ ਪੰਜਾਬੀ ਮੂਲ ਦੇ ਉਮੀਦਵਾਰ ਮੈਦਾਨ ਵਿਚ ਹਨ। ਲਗਭਗ 65 ਸੀਟਾਂ 'ਤੇ ਇਹ ਉਮੀਦਵਾਰ ਚੋਣ ਲੜ ਰਹੇ ਹਨ, ਜੋ ਕਿ ਭਾਈਚਾਰੇ ਦੇ ਵੱਧ ਰਹੇ ਰਾਜਨੀਤਿਕ ਪ੍ਰਭਾਵ ਨੂੰ ਦਰਸਾਉਂਦਾ ਹੈ।
2021 ਦੀਆਂ ਚੋਣਾਂ ਵਿਚ 45 ਪੰਜਾਬੀ ਉਮੀਦਵਾਰ ਖੜ੍ਹੇ ਹੋਏ ਸਨ, ਜਿਨ੍ਹਾਂ ਵਿਚੋਂ 17 ਹਾਊਸ ਆਫ ਕਾਮਨਜ਼ ਵਿਚ ਪਹੁੰਚੇ ਸਨ, ਉਥੇ ਹੀ 2019 ਵਿਚ 47 ਪੰਜਾਬੀ ਉਮੀਦਵਾਰਾਂ ਨੇ ਚੋਣ ਲੜੀ ਸੀ ਅਤੇ 22 ਚੋਣ ਜਿੱਤੇ ਸਨ। ਮੌਜੂਦਾ ਚੋਣਾਂ ਵਿਚ ਪੰਜਾਬੀ ਉਮੀਦਵਾਰ ਲਿਬਰਲ, ਕੰਜ਼ਰਵੇਟਿਵ ਅਤੇ ਐਨ.ਡੀ.ਪੀ ਵਰਗੀਆਂ ਪ੍ਰਮੁੱਖ ਪਾਰਟੀਆਂ ਤੋਂ ਇਲਾਵਾ ਆਜ਼ਾਦ ਵੀ ਚੋਣ ਲੜ ਰਹੇ ਹਨ।
ਇਹ ਉਮੀਦਵਾਰ ਪ੍ਰਮੁੱਖ ਤੌਰ 'ਤੇ ਓਨਟਾਰੀਓ, ਬ੍ਰਿਟਿਸ਼ ਕੋਲੰਬੀਆ, ਐਲਬਰਟਾ ਅਤੇ ਮੈਨੀਟੋਬਾ ਵਿਚ ਹਨ। ਇਸ ਦੌੜ ਵਿਚ ਸ਼ਾਮਲ ਪ੍ਰਮੁੱਖ ਹਸਤੀਆਂ ਵਿਚ ਜਗਮੀਤ ਸਿੰਘ, ਕਮਲ ਖਹਿਰਾ, ਅਨੀਤਾ ਆਨੰਦ, ਬਰਦੀਸ਼ ਚੱਗਰ ਅਤੇ ਐਡਮਿੰਟਨ ਦੇ ਮੇਅਰ ਅਮਰਜੀਤ ਸਿੰਘ ਸੋਹੀ ਸ਼ਾਮਲ ਹਨ।
ਸਰੀ ਸੈਂਟਰ ਵਿਚ ਰਣਦੀਪ ਸਰਾਏ ਲਿਬਰਲ ਵਲੋਂ ਉਮੀਦਵਾਰ ਹਨ ਅਤੇ ਰਾਜਵੀਰ ਢਿੱਲੋਂ ਕੰਜ਼ਰਵੇਟਿਵ ਵਲੋਂ ਚੋਣ ਲੜ ਰਹੇ ਹਨ, ਸਰੀ ਨਿਊਟਨ ਵਿਚ ਲਿਬਰਲ ਦੇ ਸੁੱਖ ਧਾਲੀਵਾਲ ਅਤੇ ਕੰਜ਼ਰਵੇਟਿਵ ਦੇ ਹਰਜੀਤ ਸਿੰਘ ਗਿੱਲ ਤੇ ਐੱਨ. ਡੀ. ਪੀ. ਦੇ ਰਾਜ ਸਿੰਘ ਤੂਰ ਵਿਚਕਾਰ ਮੁਕਾਬਲਾ ਹੈ। ਕੈਲਗਰੀ ਈਸਟ ਤੋਂ ਜਸਰਾਜ ਹੱਲਣ ਕੰਜ਼ਰਵੇਟਿਵ ਵਲੋਂ ਉਮੀਦਵਾਰ ਹਨ।
