ਪੀ.ਐਮ. ਕਾਰਨੀ ਵਪਾਰਕ ਸੰਬੰਧਾਂ ਨੂੰ ਮਜ਼ਬੂਤ ਕਰਨ ਲਈ ਚਾਰ ਦਿਨਾਂ ਦੇ ਭਾਰਤ ਦੌਰੇ 'ਤੇ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਆਪਣੇ ਚਾਰ-ਦਿਨਾਂ ਦੌਰੇ 'ਤੇ ਭਾਰਤ ਪਹੁੰਚ ਗਏ ਹਨ। ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਉਤਰਨ ਤੋਂ ਬਾਅਦ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ। ਇਹ ਦੌਰਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੱਦੇ 'ਤੇ ਹੋ ਰਿਹਾ ਹੈ ਅਤੇ ਇਸ ਨੂੰ ਦੋਵਾਂ ਦੇਸ਼ਾਂ ਦੇ ਰਿਸ਼ਤਿਆਂ ਵਿਚ ਇੱਕ ਨਵੀਂ ਸ਼ੁਰੂਆਤ ਵਜੋਂ ਦੇਖਿਆ ਜਾ ਰਿਹਾ ਹੈ।

ਕਾਰਨੀ ਅਗਲੇ ਦੋ ਦਿਨ ਭਾਰਤ ਦੀ ਵਪਾਰਕ ਰਾਜਧਾਨੀ ਮੁੰਬਈ ਵਿਚ ਬਿਤਾਉਣਗੇ, ਜਿੱਥੇ ​ਉਹ ਭਾਰਤੀ ਅਤੇ ਕੈਨੇਡੀਅਨ ਸੀਈਓ, ਵਿੱਤੀ ਮਾਹਰਾਂ ਅਤੇ ਕੈਨੇਡੀਅਨ ਪੈਨਸ਼ਨ ਫੰਡ ਦੇ ਪ੍ਰਤੀਨਿਧਾਂ ਨਾਲ ਮੁਲਾਕਾਤ ਕਰਨਗੇ। 1 ਮਾਰਚ ਨੂੰ ਉਹ ਦਿੱਲੀ ਪਹੁੰਚਣਗੇ। ​2 ਮਾਰਚ ਨੂੰ ਉਨ੍ਹਾਂ ਦੀ ਹੈਦਰਾਬਾਦ ਹਾਊਸ ਵਿਖੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਉੱਚ-ਪੱਧਰੀ ਬੈਠਕ ਹੋਵੇਗੀ, ਇਹ ਦੌਰਾਨ ਦੋਵੇਂ ਲੀਡਰਸ ਵਿਆਪਕ ਆਰਥਿਕ ਭਾਈਵਾਲੀ ਸਮਝੌਤੇ 'ਤੇ ਚਰਚਾ ਕਰਨਗੇ, ਜਿਸ ਦੇ ਨਵੰਬਰ ਤੱਕ ਮੁਕੰਮਲ ਹੋਣ ਦੀ ਉਮੀਦ ਹੈ। ਇਸ ਦਾ ਟੀਚਾ 2030 ਤੱਕ ਦੁਵੱਲੇ ਵਪਾਰ ਨੂੰ $70 ਬਿਲੀਅਨ ਤੱਕ ਪਹੁੰਚਾਉਣਾ ਹੈ।

ਸਾਲ 2023-24 ਦੀਆਂ ਰਾਜਨੀਤਿਕ ਤਲਖੀਆਂ ਤੋਂ ਬਾਅਦ ਕਾਰਨੀ ਦੀ ਇਹ ਭਾਰਤ ਯਾਤਰਾ ਦੋਵਾਂ ਦੇਸ਼ਾਂ ਦੇ ਸਬੰਧਾਂ ਨੂੰ ਸਾਧਾਰਨ ਕਰਨ ਦੀ ਇੱਕ ਵੱਡੀ ਕੋਸ਼ਿਸ਼ ਹੈ। ਇਸ ਫੇਰੀ ਦੌਰਾਨ10-ਸਾਲਾ ਯੂਰੇਨੀਅਮ ਸਪਲਾਈ ਡੀਲ 'ਤੇ ਦਸਤਖਤ ਹੋਣ ਦੀ ਸੰਭਾਵਨਾ ਹੈ। ਕਾਰਨੀ ਦਾ ਇਹ ਦੌਰਾ ਮੁੱਖ ਤੌਰ 'ਤੇ ਵਪਾਰ 'ਤੇ ਫੋਕਸਡ ਹੈ। ਉਨ੍ਹਾਂ ਦੀ ਯਾਤਰਾ ਵਿਚ ਪੰਜਾਬ ਦੌਰਾ ਤੈਅ ਨਹੀਂ ਹੈ।

ਸਰੋਤ: https://www.mea.gov.in/press-releases.htm?dtl/40825/Visit_of_the_Prime_Minister_of_Canada_to_India_February_27__March_02_2026
ਸਰੋਤ: https://www.pm.gc.ca/en/news/news-releases/2026/02/23/prime-minister-carney-diversify-canadas-trade-attract-new-investment
ਸਰੋਤ: https://www.international.gc.ca/trade-commerce/trade-agreements-accords-commerciaux/agr-acc/india-inde/cepa-apeg/index.aspx?lang=eng
ਕੈਨੇਡੀਅਨ ਪ੍ਰੈਸ ਤੋਂ ਫਾਈਲਾਂ ਦੇ ਨਾਲ