11.78C Vancouver 11.78C VancouverApr 14, 2025 6:46 PM - Connect Newsroom
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਬਣਨ ਦੀ ਦੌੜ ਵਿਚ ਸ਼ਾਮਲ ਮਾਰਕ ਕਾਰਨੀ, ਪੀਅਰ ਪੌਲੀਐਵ ਅਤੇ ਜਗਮੀਤ ਸਿੰਘ ਸਣੇ ਹੋਰ ਉਮੀਦਵਾਰ 16 ਅਤੇ 17 ਅਪ੍ਰੈਲ ਨੂੰ ਅੰਗਰੇਜ਼ੀ ਅਤੇ ਫਰੈਂਚ ਡਿਬੇਟ ਵਿਚ ਆਹਮੋ-ਸਾਹਮਣੇ ਹੋਣਗੇ। ਇਨ੍ਹਾਂ ਦੋਹਾਂ ਡਿਬੇਟਸ ਲਈ ਵਿਸ਼ੇ ਤੈਅ ਕਰ ਦਿੱਤੇ ਗਏ ਹਨ।
ਜਾਣਕਾਰੀ ਮੁਤਾਬਕ, ਫਰੈਂਚ ਡਿਬੇਟ ਵਿਚ ਮੁੱਖ ਤੌਰ 'ਤੇ ਰਹਿਣ-ਸਹਿਣ ਦੀ ਲਾਗਤ, ਊਰਜਾ-ਜਲਵਾਯੂ, ਟਰੇਡ ਵਾਰ, ਪਛਾਣ-ਪ੍ਰਭੁਸੱਤਾ, ਇਮੀਗ੍ਰੇਸ਼ਨ ਅਤੇ ਵਿਦੇਸ਼ੀ ਮਾਮਲੇ ਦੇ ਮੁੱਦਿਆਂ 'ਤੇ ਬਹਿਸ ਹੋਵੇਗੀ।
ਉਥੇ ਹੀ, ਇੰਗਲਿਸ਼ ਡਿਬੇਟ ਵਿਚ ਉਮੀਦਵਾਰ ਕਿਫਾਇਤੀ-ਜੀਵਨ ਦੀ ਲਾਗਤ , ਊਰਜਾ-ਜਲਵਾਯੂ, ਜਨਤਕ ਸੇਫਟੀ ਅਤੇ ਸੁਰੱਖਿਆ ਅਤੇ ਟੈਰਿਫ ਤੇ ਕੈਨੇਡਾ ਨੂੰ ਧਮਕੀਆਂ ਦੇ ਮੁੱਦੇ 'ਤੇ ਭਿੜਨਗੇ।
ਇਹ ਦੋਵੇਂ ਡਿਬੇਟਸ ਦੋ-ਦੋ ਘੰਟੇ ਦੀਆਂ ਹੋਣਗੀਆਂ, ਜੋ ਸਰਕਾਰੀ ਏਜੰਸੀ ਲੀਡਰਾਂ ਦੀ ਬਹਿਸ ਕਮਿਸ਼ਨ ਵਲੋਂ ਮਾਂਟਰੀਅਲ ਵਿਚ ਆਯੋਜਿਤ ਕੀਤੀਆਂ ਜਾ ਰਹੀਆਂ ਹਨ। ਇਨ੍ਹਾਂ ਵਿਚ ਬਲਾਕ ਕਿਊਬੈਕਵਾ ਦੇ ਨਾਲ-ਨਾਲ ਗ੍ਰੀਨ ਪਾਰਟੀ ਦੇ ਲੀਡਰ ਵੀ ਸ਼ਾਮਲ ਹੋਣਗੇ।
