ਫੈਡਰਲ ਚੋਣਾਂ ਲਈ 16 ਅਤੇ 17 ਅਪ੍ਰੈਲ ਨੂੰ ਅੰਗਰੇਜ਼ੀ ਅਤੇ ਫਰੈਂਚ ਵਿਚ ਹੋਵੇਗੀ ਡਿਬੇਟ

ਬੀ. ਸੀ. ਵਿਚ aging society ਦੀਆਂ ਜ਼ਰੂਰਤਾਂ ਪੂਰੀ ਕਰਨ ਲਈ ਸੂਬੇ ਨੂੰ 2036 ਤੱਕ 16,000 ਨਵੇਂ ਲੌਂਗ ਟਰਮ ਕੇਅਰ ਬੈੱਡਸ ਦੀ ਜ਼ਰੂਰਤ ਪੈਣ ਵਾਲੀ ਹੈ, ਇਹ ਗੱਲ ਬ੍ਰਿਟਿਸ਼ ਕੋਲੰਬੀਆ ਦੇ ਬਜ਼ੁਰਗ ਨਾਗਰਿਕਾਂ ਦੇ ਹੱਕਾਂ ਦੀ ਵਕਾਲਤ ਕਰਨ ਵਾਲੇ ਐਡਵੋਕੇਟ ਡੈਨ ਲੇਵਿਟ ਦੀ ਰਿਪੋਰਟ ਵਿਚ ਕਹੀ ਗਈ ਹੈ, ਸੂਬੇ ਦੀ ਵਿਧਾਨ ਸਭਾ ਵਿਚ ਪੇਸ਼ ਕੀਤੀ ਗਈ ਇਸ ਰਿਪੋਰਟ ਵਿਚ ਮੌਜੂਦਾ ਸਮੇਂ 2,000 ਤੋਂ ਵੱਧ ਲੌਂਗ ਟਰਮ ਕੇਅਰ ਬੈੱਡਸ ਦੀ ਘਾਟ ਦੱਸੀ ਗਈ ਹੈ ਅਤੇ ਕਿਹਾ ਗਿਆ ਹੈ ਕਿ ਅਗਲੇ 10 ਸਾਲਾਂ ਵਿਚ ਇਹ ਅੰਤਰ ਤੇਜ਼ੀ ਨਾਲ ਵਧੇਗਾ।

ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਫਰੇਜ਼ਰ ਰਿਵਰ ਵਿਚੋਂ ਇੱਕ ਔਰਤ ਨੂੰ ਰੈਸਕਿਊ ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਹੈ। ਪੁਲਿਸ ਨੇ ਕਿਹਾ ਕਿ ਸ਼ਨੀਵਾਰ ਨੂੰ ਸਵੇਰੇ ਲਗਭਗ 4:00 ਵਜੇ ਰਿਚਮੰਡ ਆਰ.ਸੀ.ਐਮ.ਪੀ. ਤੋਂ ਉਨ੍ਹਾਂ ਨੂੰ ਇੱਕ ਔਰਤ ਨੂੰ ਲੱਭਣ ਲਈ ਸਹਾਇਤਾ ਲਈ ਬੇਨਤੀ ਮਿਲੀ, ਜਿਸ ਬਾਰੇ ਮੰਨਿਆ ਜਾ ਰਿਹਾ ਸੀ ਕਿ ਉਹ ਫਰੇਜ਼ਰ ਰਿਵਰ ਵਿਚ ਸੰਕਟ ਵਿਚ ਫਸ ਗਈ ਹੈ।ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਦੇ ਦੋ ਅਧਿਕਾਰੀ ਪੁਲਿਸ ਬੋਟ ਵਿਚ ਸਵਾਰ ਹੋਏ ਅਤੇ ਕੈਨੇਡੀਅਨ ਕੋਸਟ ਗਾਰਡ ਨਾਲ ਮਿਲ ਕੇ ਲਾਪਤਾ ਔਰਤ ਦੀ ਪਾਣੀ ਵਿਚ ਭਾਲ ਲਈ ਜੁਟ ਗਏ, ਲਗਭਗ 30 ਮਿੰਟ ਦੀ ਖੋਜਬੀਣ ਮਗਰੋਂ ਅਧਿਕਾਰੀਆਂ ਨੂੰ ਔਰਤ ਇੱਕ ਲਕੜੀ ਦੇ ਬੂਮ ਨਾਲ ਲਟਕੀ ਮਿਲੀ, ਜਿਥੋਂ ਉਸ ਨੂੰ ਰੈਸਕਿਊ ਕਰਕੇ ਲਾਈਫ ਸੇਵਿੰਗ ਫਸਟ ਏਡ ਦਿੱਤੀ ਗਈ।ਪੁਲਿਸ ਵਲੋਂ ਇਹ ਜਾਣਕਾਰੀ ਨਹੀਂ ਦਿੱਤੀ ਗਈ ਔਰਤ ਕਿਥੋਂ ਦੀ ਸੀ ਅਤੇ ਉਹ ਸੰਕਟ ਵਿਚ ਕਿਸ ਤਰ੍ਹਾਂ ਫਸੀ। ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਕਿਹਾ ਕਿ ਜੇ ਕਿਸੇ ਨੂੰ ਵੀ ਲੱਗੇ ਕਿ ਉਹ ਖੁਦ ਜਾਂ ਕੋਈ ਹੋਰ ਖਤਰੇ ਵਿਚ ਹੈ ਤਾਂ ਤੁਰੰਤ 9-1-1 'ਤੇ ਕਾਲ ਕਰਨੀ ਚਾਹੀਦੀ ਹੈ।

ਐਲਬਰਟਾ ਦੇ ਕੈਨੇਡਾ ਤੋਂ ਵੱਖ ਹੋਣ ਸੰਬੰਧੀ ਰੈਫਰੈਂਡਮ ਦੇ ਸਵਾਲ ਨੂੰ ਪ੍ਰਵਾਨਗੀ ਲਈ ਇੱਕ ਜੱਜ ਕੋਲ ਭੇਜਿਆ ਗਿਆ ਹੈ। ਰੈਫਰੈਂਡਮ ਦੇ ਸਵਾਲ ਨੂੰ ਜੱਜ ਕੋਲ ਭੇਜਣ ਦਾ ਮਕਸਦ ਇਸ ਗੱਲ ਦੀ ਪੁਸ਼ਟੀ ਕਰਨਾ ਹੈ ਕਿ ਇਹ ਸਵਾਲ ਸੰਵਿਧਾਨ ਦੀ ਉਲੰਘਣਾ ਤਾਂ ਨਹੀਂ ਕਰਦਾ ਹੈ।