16.6C Vancouver 16.6C VancouverOct 16, 2025 1:36 PM - Connect Newsroom
ਕੈਨੇਡਾ ਦੇ ਇੱਕ ਸ਼ਰਨਾਰਥੀ ਬਿਨੈਕਾਰ ਨੂੰ ਅਮਰੀਕੀ ਇਮੀਗ੍ਰੇਸ਼ਨ ਅਤੇ ਕਸਟਮ ਇਨਫੋਰਸਮੈਂਟ ਨੇ ਹਿਰਾਸਤ ਵਿਚ ਲਿਆ ਹੈ,ਜੋ ਬਫਲੋ ਦੀ ਡਿਟੈਂਸ਼ਨ ਸੈਂਟਰ ਵਿਚ ਬੰਦ ਹੈ। ਮਾਹੀਨ ਸ਼ਹਿਰੀਅਰ ਨਾਂ ਦਾ ਇਹ ਸ਼ਰਨਾਰਥੀ ਬਿਨੈਕਾਰ ਬੰਗਲਾਦੇਸ਼ ਤੋਂ ਹੈ, ਜੋ 12 ਮਈ ਨੂੰ ਗਲਤੀ ਨਾਲ ਸਰਹੱਦ ਪਾਰ ਕਰਕੇ ਅਮਰੀਕਾ ਵਿਚ ਦਾਖਲ ਹੋ ਗਿਆ ਸੀ ਅਤੇ ਉਸ ਦਾ ਕਹਿਣਾ ਹੈ ਕਿ ਕੈਨੇਡਾ ਨੇ ਉਸ ਨੂੰ ਵਾਪਸ ਲੈਣ ਤੋਂ ਇਨਕਾਰ ਕੀਤਾ ਹੈ।
ਸ਼ਹਿਰੀਅਰ ਮੁਤਾਬਕ, ਉਹ ਆਪਣੀ ਸ਼ਰਨਾਰਥੀ ਬਿਨੈਕਾਰ ਰੱਦ ਹੋਣ ਕਾਰਨ ਡਿਪਰੈਸ਼ਨ ਨਾਲ ਜੂਝ ਰਿਹਾ ਸੀ ਅਤੇ ਇੱਕ ਦੋਸਤ ਨੇ ਉਸ ਨੂੰ ਮਾਂਟਰੀਅਲ ਵਿਚ ਰਹਿਣ ਲਈ ਜਗ੍ਹਾ ਦੀ ਪੇਸ਼ਕਸ਼ ਕੀਤੀ ਤੇ ਉਸ ਨੂੰ ਜੋ ਪਤਾ ਦਿੱਤਾ ਗਿਆ ਉਹ ਕੈਨੇਡਾ-ਅਮਰੀਕਾ ਸਰਹੱਦ ਦੇ ਨੇੜੇ ਸੀ, ਜਿਸ ਕਾਰਨ ਉਸ ਨੂੰ ਪਤਾ ਨਹੀਂ ਲੱਗਾ ਕਿ ਉਹ ਅਮਰੀਕਾ ਵਿਚ ਦਾਖ਼ਲ ਹੋ ਚੁੱਕਾ ਸੀ।
ਰਿਪੋਰਟਸ ਮੁਤਾਬਕ,ਸ਼ਹਿਰੀਅਰ ਦੇ ਪਰਿਵਾਰ ਨੂੰ ਕੈਨੇਡਾ ਵਿਚ ਸ਼ਰਣ ਮਿਲੀ ਹੈ ਅਤੇ ਉਸ ਦੀ ਆਪਣੀ ਪ੍ਰੀ ਰਿਮੂਵਲ ਰਿਸਕ ਅਸੈਸਮੈਂਟ ਅਰਜ਼ੀ ਪੈਂਡਿੰਗ ਹੈ। ਸ਼ਹਿਰੀਅਰ ਦੀ ਮਾਂ ਕੈਨੇਡਾ ਵਿਚ ਇੱਕ ਮਾਨਤਾ ਪ੍ਰਾਪਤ ਸ਼ਰਨਾਰਥੀ ਹੈ ਅਤੇ ਉਸ ਦੀ ਛੋਟੀ ਭੈਣ ਪੂਰਾ ਸਮਾਂ ਸਕੂਲ ਸਟੂਡੈਂਟ ਹੈ।
