ਕੈਨੇਡਾ ਦੇ ਟੈਨਿਸ ਖਿਡਾਰੀ ਡੈਨਿਸ ਸ਼ੈਪੋਵਾਲੌਵ ਨੇ ਟੋਕੀਓ ਓਲੰਪਿਕਸ 'ਚ ਹਿੱਸਾ ਲੈਣ ਤੋਂ ਕੀਤਾ ਇਨਕਾਰ

ਕੈਨੇਡਾ ਦੇ ਨਾਮੀ ਟੈਨਿਸ ਖਿਡਾਰੀ ਡੈਨਿਸ ਸ਼ੈਪੋਵਾਲੌਵ ਦਾ ਕਹਿਣਾ ਹੈ ਕਿ ਉਹ ਟੋਕੀਓ ਓਲੰਪਿਕਸ ਵਿੱਚ ਹਿੱਸਾ ਨਹੀਂ ਲੈਣਗੇ।

ਔਂਟੈਰੀਓ ਤੋਂ ਰਿਚਮੰਡ ਹਿੱਲ ਦੇ 22 ਸਾਲਾ ਡੈਨਿਸ ਸ਼ੈਪੋਵਾਲੌਵ ਨੇ ਇੱਕ ਟਵੀਟ ਕਰਦੇ ਹੋਏ ਓਲੰਪਿਕ ਦਾ ਹਿੱਸਾ ਨਾ ਬਣਨ ਦੀ ਜਾਣਕਾਰੀ ਦਿੱਤੀ।

ਉਨ੍ਹਾਂ ਇਸ ਦੇ ਪਿੱਛੇ ਹਾਲ ਦੇ ਹਾਲਾਤਾਂ ਦਾ ਹਵਾਲਾ ਦਿੰਦੇ ਹੋਏ ਸੁਰੱਖਿਆ ਕਾਰਨਾਂ ਦੇ ਚਲਦਿਆਂ ਓਲੰਪਿਕਸ ਤੋਂ ਪਾਸੇ ਹਟਣ ਦੀ ਗੱਲ ਆਖੀ ਹੈ।

ਯਾਦ ਰਹੇ ਜਾਪਾਨ 'ਚ ਓਲੰਪਿਕਸ ਕਰਵਾਉਣ ਦੇ ਫੈਸਲੇ ਨਾਲ ਅੱਗੇ ਵਧਣ 'ਤੇ ਕਈ ਖਿਡਾਰੀਆਂ ਅਤੇ ਹੋਰ ਲੋਕਾਂ ਨੇ ਸਵਾਲ ਚੁੱਕੇ ਹਨ।

ਡੈਨਿਸ ਸ਼ੈਪੋਵਾਲੌਵ ਕੈਨੇਡਾ ਦੇ ਚੋਟੀ ਦੇ ਟੈਨਿਸ ਖਿਡਾਰੀ ਹਨ ਅਤੇ ਉਨ੍ਹਾਂ ਦੀ ਏ.ਟੀ.ਪੀ. ਰੈਂਕਿੰਗ 12 ਦੀ ਹੈ।

ਇਸ ਤੋਂ ਪਹਿਲਾਂ ਉਨ੍ਹਾਂ ਫਰੈਂਚ ਓਪਨ ਗ੍ਰੈਂਡ ਸਲੈਮ ਤੋਂ ਵੀ ਨਾਮ ਵਾਪਿਸ ਲਿਆ ਸੀ ਅਤੇ ਉਸ ਵੇਲੇ ਉਨ੍ਹਾਂ ਮੋਢੇ ਦੀ ਸੱਟ ਨੂੰ ਕਾਰਨ ਦੱਸਿਆ ਸੀ।

ਡੈਨਿਸ ਸ਼ੈਪੋਵਾਲੌਵ ਦਾ ਟਵੀਟ:

Hey everyone, after careful consideration I wanted to let you know that I will not be participating in the Olympics this year. Representing Canada means the world to me, but due to the current situation my team and I have decided this is the best decision for everyone’s safety.