10.81C Vancouver 10.81C VancouverJul 31, 2025 5:30 PM - Connect Newsroom
ਕੈਨੇਡਾ ਦੀ ਨਾਮੀ ਟੈਨਿਸ ਖਿਡਾਰਨ ਯੂਜੀਨ ਬੁਸ਼ਾਰਡ ਨੇ ਲੌਨ ਟੈਨਿਸ ਦੀ ਖੇਡ ਤੋਂ ਸੰਨਿਆਸ ਲੈ ਲਿਆ ਹੈ।
ਉਨ੍ਹਾਂ ਆਪਣੇ ਪ੍ਰੋਫੈਸ਼ਨਲ ਟੈਨਿਸ ਕਰੀਅਰ ਦਾ ਆਖਰੀ ਮੁਕਾਬਲਾ ਕੱਲ ਸਵਿਟਜ਼ਰਲੈਂਡ ਦੀ ਬੈਲਿੰਡਾ ਬੈਂਸਿਕ ਖਿਲਾਫ ਖੇਡਿਆ।
ਇਸ ਮੁਕਾਬਲੇ 'ਚ ਕਿਊਬੈਕ ਦੇ ਵੈਸਟਮਾਊਂਟ ਤੋਂ ਵਾਸਤਾ ਰੱਖਣ ਵਾਲੀ 31 ਸਾਲਾ ਬੁਸ਼ਾਰਡ ਨੂੰ 2-6, 6-3, 4-6 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਨੈਸ਼ਨਲ ਬੈਂਕ ਓਪਨ ਟੂਰਨਾਮੈਂਟ ਦੇ ਦੂਜੇ ਦੌਰ ਦੇ ਮੁਕਾਬਲੇ 'ਚ ਹਾਰ ਦਾ ਸਾਹਮਣਾ ਕਰਨ ਤੋਂ ਪਹਿਲਾਂ ਬੁਸ਼ਾਰਡ ਨੇ ਟੂਰਨਾਮੈਂਟ 'ਚ ਬੁੱਧਵਾਰ ਨੂੰ ਜੇਤੂ ਸ਼ੁਰੂਆਤ ਕੀਤੀ ਸੀ ਜਿਥੇ ਉਨ੍ਹਾਂ 6-4, 2-6, 6-2 ਨਾਲ ਮੁਕਾਬਲਾ ਜਿੱਤਿਆ ਸੀ।
ਟੈਨਿਸ ਕੈਨੇਡਾ ਨੇ ਨੈਸ਼ਨਲ ਬੈਂਕ ਓਪਨ ਦੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਜਾਣਕਾਰੀ ਦਿੱਤੀ ਸੀ ਕਿ ਜਿੱਥੇ ਬੁਸ਼ਾਰਡ ਨੇ ਟੂਰਨਾਮੈਂਟ 'ਚ ਐਗਜ਼ਿਟ ਕੀਤਾ ਉਥੇ ਹੀ ਉਹ ਸੰਨਿਆਸ ਲੈ ਲਵੇਗੀ।
ਬੁਸ਼ਾਰਡ ਨੇ ਮੌਂਟਰੀਅਲ 'ਚ ਆਪਣੇ ਘਰੇਲੂ ਮੈਦਾਨ 'ਚ ਆਪਣਾ ਆਖਰੀ ਅੰਤਰਰਾਸ਼ਟਰੀ ਟੂਰਨਾਮੈਂਟ ਖੇਡਿਆ।
ਬੁਸ਼ਾਰਡ ਦਾ ਕਰੀਅਰ ਉਤਾਰ-ਚੜ੍ਹਾ ਵਾਲਾ ਰਿਹਾ ਅਤੇ ਸਾਲ 2014 ਦੇ ਸੀਜਨ ਦੌਰਾਨ ਉਨ੍ਹਾਂ ਡਬਲਿਊ.ਟੀ.ਏ. ਵਿੱਚ ਵਿਸ਼ਵ ਨੰਬਰ 5 ਤੱਕ ਦੀ ਰੈਂਕਿੰਗ ਹਾਸਿਲ ਕਰ ਲਈ ਸੀ।
ਉਸ ਸੀਜਨ ਦੌਰਾਨ ਬੁਸ਼ਾਰਡ ਨੇ ਵਿੰਬੈਲਡਨ ਗਰੈਂਡ ਸਲੈਮ ਦੇ ਫਾਈਨਲ 'ਚ ਵੀ ਐਂਟਰੀ ਕੀਤੀ ਸੀ ਜਿਥੇ ਉਨ੍ਹਾਂ ਨੂੰ ਪੈਟਰਾ ਕਵਿਤੋਵਾ ਤੋਂ ਹਾਰ ਦਾ ਸਾਹਮਣਾ ਕੀਤਾ ਸੀ।
ਸਾਲ 2012 'ਚ ਬੁਸ਼ਾਰਡ ਨੇ ਜੂਨੀਅਰ ਵਿੰਬੈਲਡਨ ਖਿਤਾਬ ਆਪਣੇ ਨਾਮ ਕੀਤਾ ਸੀ।
ਟੈਨਿਸ ਕੈਨੇਡਾ ਨੇ 'X' 'ਤੇ ਸੰਨਿਆਸ ਸੰਬੰਧੀ ਐਲਾਨ ਮੌਕੇ ਪੋਸਟ ਸਾਂਝੀ ਕਰਦਿਆਂ ਲਿਖਿਆ:
