ਕੈਨੇਡੀਅਨ ਇਸ ਸਾਲ ਪ੍ਰਾਪਰਟੀ ਟੈਕਸ ਵਿਚ ਕਰ ਰਹੇ ਭਾਰੀ ਵਾਧੇ ਦਾ ਸਾਹਮਣਾ

ਕੈਨੇਡੀਅਨ ਇਸ ਸਾਲ ਪ੍ਰਾਪਰਟੀ ਟੈਕਸ ਵਿਚ ਭਾਰੀ ਵਾਧੇ ਦਾ ਸਾਹਮਣਾ ਕਰ ਰਹੇ ਹਨ। ਇਸ ਲੜੀ ਵਿਚ ਟੋਰਾਂਟੋ ਦੇ ਮਕਾਨ ਮਾਲਕ ਹੁਣ ਤੱਕ ਦਾ ਸਭ ਤੋਂ ਵੱਡਾ ਵਾਧਾ ਦੇਖਣਗੇ ਕਿਉਂਕਿ ਸਿਟੀ ਨੇ ਬਜਟ ਵਿਚ ਪ੍ਰੋਪਰਟੀ ਟੈਕਸ ਵਿਚ 10.5 ਫੀਸਦੀ ਵਾਧੇ ਦੀ ਤਜਵੀਜ਼ ਕੀਤੀ ਹੈ ਅਤੇ ਚਿਤਾਵਨੀ ਦਿੱਤੀ ਹੈ ਕਿ ਜੇ ਫੈਡਰਲ ਸਰਕਾਰ ਤੋਂ ਸ਼ਰਨਾਰਥੀ ਦੀ ਸਪੋਰਟ ਲਈ ਫੰਡਿੰਗ ਨਾ ਮਿਲੀ ਤਾਂ ਪ੍ਰੋਪਰਟੀ ਟੈਕਸ 16.5 ਫੀਸਦੀ ਤੱਕ ਜਾ ਸਕਦਾ ਹੈ। ਉੱਥੇ ਹੀ, ਮਾਂਟਰੀਅਲ ਵਿਚ ਪ੍ਰੋਪਰਟੀ ਟੈਕਸ ਇਸ ਸਾਲ ਲਗਭਗ 5 ਫੀਸਦੀ ਵੱਧ ਰਿਹਾ ਹੈ।

ਸਿਟੀ ਦੇ 13 ਸਾਲਾਂ ਦੇ ਇਤਿਹਾਸ ਵਿਚ ਇਹ ਸਭ ਤੋਂ ਵੱਡਾ ਵਾਧਾ ਹੈ। ਓਧਰ ਵੈਨਕੁਵਰ ਵਿਚ ਪ੍ਰੋਪਰਟੀ ਟੈਕਸ ਪਿਛਲੇ ਸਾਲ 10.7 ਫੀਸਦੀ ਵਧਣ ਮਗਰੋਂ ਮੌਜੂਦਾ ਸਮੇਂ 7.5 ਫੀਸਦੀ ਹੈ। ਹੈਲੀਫੈਕਸ ਵਿਚ ਇਹ ਲਗਭਗ 10 ਫੀਸਦੀ ਵਧਣ ਜਾ ਰਿਹਾ ਹੈ।

ਕੈਲਗਿਰੀ ਦੀ ਯੂਨੀਵਰਸਿਟੀ ਦੀ ਇਕ ਪ੍ਰੋਫੈਸਰ ਸਾਸ਼ਾ ਸੇਨਕੋਵਾ ਨੇ ਕਿਹਾ ਕਿ ਇਹ ਸਾਲ ਸੱਚ ਵਿਚ ਚੁਣੌਤੀਪੂਰਨ ਹੈ। ਉਨ੍ਹਾਂ ਕਿਹਾ ਕਿ ਨਗਰਪਾਲਿਕਾਵਾਂ ਮਹਿੰਗਾਈ ਵਿਚਕਾਰ ਹੋਰ ਖਰਚਿਆਂ ਨੂੰ ਕਰਨ ਲਈ ਸੰਘਰਸ਼ ਕਰ ਰਹੀਆਂ ਹਨ।

ਟੋਰਾਂਟੋ ਵਿਚ ਘਰ ਦੇ ਮਾਲਕ ਹੋਰ ਨਗਰਪਾਲਿਕਾਵਾਂ ਨਾਲੋਂ ਥੋੜ੍ਹਾ ਵੱਧ ਟੈਕਸ ਦੇ ਰਹੇ ਹਨ। ਟੋਰਾਂਟੋ ਦੇ ਸਿਆਸਤਦਾਨ ਦੀ ਦਲੀਲ ਹੈ ਕਿ ਟੋਰਾਂਟੋ ਕੁਝ ਸੂਬਿਆਂ ਦੀਆਂ ਨਗਰਪਾਲਿਕਾਵਾਂ ਨਾਲੋਂ ਵੱਡਾ ਹੈ, ਇਸ ਲਈ ਸਮਰਪਿਤ ਫੈਡਰਲ ਫੰਡਿੰਗ ਦੀ ਲੋੜ ਹੈ ਕਿਉਂਕਿ ਸਿਟੀ ਕੋਲ ਆਮਦਨ ਦੇ ਹੋਰ ਸਾਧਨ ਨਹੀਂ ਹਨ।