18.76C Vancouver 18.76C VancouverApr 30, 2026 2:17 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸਾਬਕਾ ਕੈਬਨਿਟ ਮੰਤਰੀ ਜੋਨਾਥਨ ਵਿਲਕਿਨਸਨ ਨੂੰ ਯੂਰਪੀ ਯੂਨੀਅਨ ਲਈ ਕੈਨੇਡਾ ਦਾ ਨਵਾਂ ਰਾਜਦੂਤ ਨਾਮਜ਼ਦ ਕੀਤਾ ਹੈ। ਉਨ੍ਹਾਂ ਵਲੋਂ ਇਸ ਨਿਯੁਕਤੀ ਦਾ ਰਸਮੀ ਐਲਾਨ ਸ਼ੁੱਕਰਵਾਰ ਨੂੰ ਕੀਤਾ ਜਾਵੇਗਾ।
ਵਿਲਕਿਨਸਨ ਦੇ ਅਸਤੀਫੇ ਨਾਲ ਨੌਰਥ ਵੈਨਕੂਵਰ-ਕੈਪੀਲਾਨੋ ਦੀ ਸੀਟ ਖਾਲੀ ਹੋਵੇਗੀ, ਜਿਥੇ ਆਉਂਦੇ ਮਹੀਨਿਆਂ ਵਿਚ ਜ਼ਿਮਨੀ ਚੋਣ ਕਰਵਾਈ ਜਾਵੇਗੀ ਪਰ ਇਸ ਨਾਲ ਲਿਬਰਲ ਸਰਕਾਰ ਦੇ ਬਹੁਮਤ 'ਤੇ ਕੋਈ ਅਸਰ ਨਹੀਂ ਪਵੇਗਾ ਕਿਉਂਕਿ ਵਿਲਕਿਨਸਨ ਦੇ ਜਾਣ ਤੋਂ ਬਾਅਦ ਵੀ ਲਿਬਰਲ ਕੋਲ 173 ਸੀਟਾਂ ਹਨ ਜੋ ਬਹੁਮਤ ਤੋਂ ਇੱਕ ਸੀਟ ਵੱਧ ਹੈ।
ਜੋਨਾਥਨ ਵਿਲਕਿਨਸਨ ਨੇ ਜਸਟਿਨ ਟਰੂਡੋ ਦੀ ਸਰਕਾਰ ਵਿਚ ਕੈਬਨਿਟ ਮੰਤਰੀ ਵਜੋਂ ਭੂਮਿਕਾ ਨਿਭਾਈਆਂ ਸਨ ਪਰ ਪਿਛਲੇ ਸਾਲ ਦੀਆਂ ਚੋਣਾਂ ਤੋਂ ਬਾਅਦ ਕਾਰਨੀ ਦੀ ਕੈਬਨਿਟ ਵਿਚ ਉਨ੍ਹਾਂ ਨੂੰ ਜਗ੍ਹਾ ਨਹੀਂ ਦਿੱਤੀ ਗਈ ਸੀ। ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਮੁਤਾਬਕ, ਵਿਲਕਿਨਸਨ ਇਸ ਗਰਮੀਆਂ ਵਿਚ ਯੂਰਪੀ ਯੂਨੀਅਨ ਲਈ ਕੈਨੇਡਾ ਦੇ ਰਾਜਦੂਤ ਵਜੋਂ ਆਹੁਦਾ ਸੰਭਾਲਣਗੇ। ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ ਕਾਰਨੀ ਵਲੋਂ ਟਰੂਡੋ ਯੁੱਗ ਦੇ ਮੰਤਰੀ ਬਿਲ ਬਲੇਅਰ ਨੂੰ ਯੂ. ਕੇ. ਦੇ ਹਾਈ ਕਮਿਸ਼ਨਰ ਨਿਯੁਕਤ ਕੀਤਾ ਗਿਆ ਸੀ।
