12.86C Vancouver 12.86C VancouverJul 7, 2026 3:23 PM - Connect Newsroom - Ramandeep Kaur with files from The Canadian Press
ਪਾਰਟੀ ਦੇ ਕਿਊਬੈਕ ਤੋਂ ਸੰਸਦ ਮੈਂਬਰ ਰਿਚਰਡ ਮਾਰਟੇਲ ਨੇ ਆਪਣੇ ਕਾਕਸ ਨੂੰ ਅਲਵਿਦਾ ਕਹਿ ਦਿੱਤਾ ਹੈ ਅਤੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਉਨ੍ਹਾਂ ਨੂੰ ਆਜ਼ਾਦ ਮੈਂਬਰ ਵਜੋਂ ਸੈਨੇਟ ਵਿਚ ਨਿਯੁਕਤ ਕੀਤਾ ਜਾ ਰਿਹਾ ਹੈ। ਕਾਰਨੀ ਨੇ ਮੰਗਲਵਾਰ ਸਵੇਰੇ ਇੱਕ ਰਿਲੀਜ਼ ਜ਼ਰੀਏ ਇਹ ਐਲਾਨ ਕੀਤਾ ਕਿਉਂਕਿ ਉਨ੍ਹਾਂ ਨੇ ਆਪਣੇ ਪ੍ਰਮੁੱਖ ਸਕੱਤਰ ਟੌਮ ਪਿਟਫੀਲਡ ਸਮੇਤ ਤਿੰਨ ਹੋਰ ਲੋਕਾਂ ਨੂੰ upper ਹਾਊਸ ਲਈ ਨਾਮਜ਼ਦ ਕੀਤਾ ਹੈ।
ਪਿਟਫੀਲਡ ਪਿਛਲੇ ਸਾਲ ਤੋਂ ਪ੍ਰਧਾਨ ਮੰਤਰੀ ਕਾਰਨੀ ਦੇ ਪ੍ਰਮੁੱਖ ਸਕੱਤਰ ਵਜੋਂ ਆਪਣੀਆਂ ਸੇਵਾਵਾਂ ਨਿਭਾ ਰਹੇ ਹਨ ਅਤੇ ਉਨ੍ਹਾਂ ਦੇ ਬਹੁਤ ਨਜ਼ਦੀਕੀ ਮੰਨੇ ਜਾਂਦੇ ਹਨ। ਉਥੇ ਹੀ, ਕੰਜ਼ਰਵੇਟਿਵ ਕਾਕਸ ਛੱਡਣ ਵਾਲੇ ਰਿਚਰਡ ਮਾਰਟੇਲ 2018 ਤੋਂ ਸੰਸਦ ਮੈਂਬਰ ਸਨ, ਉਨ੍ਹਾਂ ਐਮ.ਪੀ. ਵਜੋਂ ਅੱਜ ਸਵੇਰ ਤੁਰੰਤ ਪ੍ਰਭਾਵ ਨਾਲ ਅਸਤੀਫਾ ਦੇ ਦਿੱਤਾ ਅਤੇ ਉਹ ਆਪਣੇ ਪਾਰਟੀ ਕਾਕਸ ਨੂੰ ਛੱਡਣ ਵਾਲੇ ਪੰਜਵੇਂ ਕੰਜ਼ਰਵੇਟਿਵ ਹਨ।
