11.91C Vancouver 11.91C VancouverMay 4, 2026 3:38 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਅੱਜ ਆਪਣੀ ਪਹਿਲੀ ਅਰਮੀਨੀਆ ਯਾਤਰਾ ਮੁਕੰਮਲ ਕਰ ਲਈ ਹੈ। ਉਨ੍ਹਾਂ ਉੱਥੇ ਯੇਰੇਵਨ ਵਿਚ 8ਵੀਂ ਯੂਰਪੀ ਪੌਲੀਟੀਕਲ ਕਮਿਊਨਿਟੀ ਸਮਿਟ ਵਿਚ ਹਿੱਸਾ ਲਿਆ। ਖ਼ਾਸ ਗੱਲ ਇਹ ਰਹੀ ਕਿ ਉਹ ਇਸ ਸੰਮੇਲਨ ਵਿਚ ਸ਼ਾਮਲ ਹੋਣ ਵਾਲੇ ਪਹਿਲੇ ਗੈਰ-ਯੂਰਪੀਅਨ ਆਗੂ ਬਣੇ ਹਨ।
ਕਾਰਨੀ ਨੇ ਇਸ ਸਮਿਟ ਮੌਕੇ ਅਰਮੀਨੀਆ, ਫਰਾਂਸ, ਇਟਲੀ, ਪੋਲੈਂਡ, ਸਪੇਨ ਅਤੇ ਯੂਕਰੇਨ ਸਮੇਤ ਯੂਰਪੀ ਕੌਂਸਲ ਤੇ ਯੂਰਪੀ ਸੰਸਦ ਦੇ ਲੀਡਰਸ ਨਾਲ ਦੁਵੱਲੀਆਂ ਮੀਟਿੰਗਾਂ ਵੀ ਕੀਤੀਆਂ। ਉਨ੍ਹਾਂ ਕੈਨੇਡਾ ਨੂੰ ਨਿਵੇਸ਼ ਲਈ ਦੁਨੀਆ ਦਾ ਸਭ ਤੋਂ ਉੱਤਮ ਸਥਾਨ ਦੱਸਦਿਆਂ ਸਾਥੀ ਮੁਲਕਾਂ ਨੂੰ ਮਹੱਤਵਪੂਰਨ ਖਣਿਜ, ਊਰਜਾ, ਰੱਖਿਆ ਅਤੇ ਉੱਨਤ ਤਕਨਾਲੋਜੀਆਂ ਵਿਚ ਸਹਿਯੋਗ ਦੀ ਪੇਸ਼ਕਸ਼ ਕੀਤੀ।
ਪ੍ਰਧਾਨ ਮੰਤਰੀ ਮੁਤਾਬਕ, ਇਸ ਨਾਲ ਕੈਨੇਡੀਅਨ ਕੰਪਨੀਆਂ ਲਈ ਨਵੇਂ ਰਾਹ ਖੁੱਲ੍ਹਣਗੇ ਅਤੇ ਰੁਜ਼ਗਾਰ ਦੇ ਮੌਕੇ ਪੈਦਾ ਹੋਣਗੇ। ਇਸ ਬੈਠਕ ਦਾ ਫੋਕਸ ਯੂਕਰੇਨ ਦੀ ਮਦਦ ਕਰਨਾ ਵੀ ਸੀ ਅਤੇ ਇਸ ਉਦੇਸ਼ ਲਈ ਪ੍ਰਧਾਨ ਮੰਤਰੀ ਨੇ ਲਗਭਗ $270 ਮਿਲੀਅਨ ਦੇ ਨਵੇਂ ਯੋਗਦਾਨ ਦਾ ਐਲਾਨ ਕੀਤਾ। ਪ੍ਰਧਾਨ ਮੰਤਰੀ ਨੇ ਇਹ ਵੀ ਕਿਹਾ ਕਿ ਇਸ ਵੰਡੀ ਹੋਈ ਦੁਨੀਆ ਵਿਚ ਹੁਣ ਸਾਡੀ ਪਹਿਲ ਸਾਡੇ ਪੁਰਾਣੇ ਯੂਰਪੀਅਨ ਸਾਥੀ ਹਨ।
