20.57C Vancouver 20.57C VancouverMay 22, 2025 5:35 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਵਾਸ਼ਿੰਗਟਨ ਵਿਚ ਇਜ਼ਰਾਈਲੀ ਅੰਬੈਸੀ ਦੇ ਦੋ ਕਰਮਚਾਰੀਆਂ ਦੀ ਗੋਲੀ ਮਾਰ ਕੇ ਕੀਤੀ ਗਈ ਹੱਤਿਆ 'ਤੇ ਦੁਖ ਅਤੇ ਹੈਰਾਨੀ ਦਾ ਪ੍ਰਗਟਾਵਾ ਕੀਤਾ ਹੈ। ਕਾਰਨੀ ਨੇ ਕਿਹਾ ਕਿ ਬੀਤੀ ਰਾਤ ਹੋਈ ਘਟਨਾ ਯਹੂਦੀ ਭਾਈਚਾਰੇ ਖਿਲਾਫ ਇੱਕ ਟਾਰਗੇਟਡ ਹਮਲਾ ਸੀ ਅਤੇ ਉਹ ਇਸ ਦੀ ਕਰੜੀ ਨਿੰਦਾ ਕਰਦੇ ਹਨ।
ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਅਨੀਤਾ ਆਨੰਦ ਨੇ ਵੀ ਇਸ ਹਮਲੇ ਦੀ ਨਿੰਦਾ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਦੀ ਹਮਦਰਦੀ ਪੀੜਤਾਂ ਦੇ ਪਰਿਵਾਰ ਅਤੇ ਯਹੂਦੀ ਭਾਈਚਾਰੇ ਦੇ ਨਾਲ ਹੈ। ਕੈਨੇਡਾ ਦੀ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਨੇ ਕਿਹਾ ਕਿ ਯਹੂਦੀ ਭਾਈਚਾਰੇ ਖਿਲਾਫ ਇਸ ਤਰ੍ਹਾਂ ਦੀ ਨਫਰਤ ਅਤੇ ਹਿੰਸਾ ਨਿੰਦਣਯੋਗ ਹੈ ਅਤੇ ਇਸ ਨੂੰ ਰੋਕਿਆ ਜਾਣਾ ਚਾਹੀਦਾ ਹੈ।
ਗੌਰਤਲਬ ਹੈ ਕਿ ਵਾਸ਼ਿੰਗਟਨ ਸਥਿਤ ਇਜ਼ਰਾਈਲੀ ਅੰਬੈਸੀ ਨਾਲ ਜੁੜੇ ਦੋ ਸਟਾਫ ਮੈਂਬਰਾਂ ਨੂੰ ਉਦੋਂ ਗੋਲੀ ਮਾਰੀ ਗਈ ਜਦੋਂ ਉਹ ਇੱਕ ਯਹੂਦੀ ਅਜਾਇਬ ਘਰ ਤੋਂ ਨਿਕਲੇ ਸਨ। ਸਾਰਾਹ ਲਿਨ ਮਿਲਗ੍ਰੀਮ ਅਤੇ ਯਾਰੋਨ ਲਿਸਚਿੰਸਕੀ ਨਾਂ ਦਾ ਇਹ ਸਟਾਫ਼ਰ ਇੱਕ ਜੋੜਾ ਸੀ, ਜਿਨ੍ਹਾਂ ਦੀ ਜਲਦ ਮੰਗਣੀ ਹੋਣ ਵਾਲੀ ਸੀ। ਇਸ ਮਾਮਲੇ ਵਿਚ ਸ਼ਿਕਾਗੋ ਦਾ ਇੱਕ 30 ਸਾਲਾ ਸ਼ੱਕੀ ਹਿਰਾਸਤ ਵਿਚ ਹੈ।
