13.63C Vancouver 13.63C VancouverMar 6, 2026 1:54 PM - Connect Newsroom - Jasmine Singh with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਇੰਡੋ-ਪੈਸੀਫਿਕ ਵਿਚ ਆਪਣੀ ਤਿੰਨ ਦੇਸ਼ਾਂ ਦੀ ਯਾਤਰਾ ਦੇ ਅੰਤਿਮ ਪੜਾਅ ਵਿਚ ਅੱਜ ਟੋਕੀਓ ਵਿਚ ਜਾਪਾਨ ਦੀ ਪ੍ਰਧਾਨ ਮੰਤਰੀ ਸਾਨੇ ਤਕਾਇਚੀ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਦੇ ਜਨਮ ਦਿਨ ਮੌਕੇ ਕੈਨੇਡੀਅਨ ਮੈਪਲ ਸਿਰਪ ਨਾਲ ਤਿਆਰ ਕੀਤਾ ਵਿਸ਼ੇਸ਼ ਕੇਕ ਵੀ ਤੋਹਫ਼ੇ ਵਜੋਂ ਦਿੱਤਾ।
ਇਸ ਮੁਲਾਕਾਤ ਦੌਰਾਨ ਦੋਹਾਂ ਨੇਤਾਵਾਂ ਨੇ ਇੱਕ ਨਵੀਂ Comprehensive Strategic Partnership ਦਾ ਐਲਾਨ ਕੀਤਾ, ਜਿਸ ਦਾ ਉਦੇਸ਼ ਡਿਫੈਂਸ ,ਊਰਜਾ ਅਤੇ ਤਕਨਾਲੋਜੀ ਦੇ ਖੇਤਰ ਵਿਚ ਸਹਿਯੋਗ ਨੂੰ ਵਧਾਉਣਾ ਹੈ। ਕਾਰਨੀ ਦੀ ਇਹ ਫੇਰੀ ਉਸ ਰਣਨੀਤੀ ਦਾ ਹਿੱਸਾ ਹੈ, ਜਿਸ ਤਹਿਤ ਕੈਨੇਡਾ ਆਪਣੀ ਵਪਾਰਕ ਨਿਰਭਰਤਾ ਨੂੰ ਅਮਰੀਕਾ ਤੋਂ ਘਟਾਉਣ ਲਈ ਕੰਮ ਕਰ ਰਿਹਾ ਹੈ। ਜਾਪਾਨ ਦੀਆਂ ਦਿੱਗਜ ਕੰਪਨੀਆਂ ਜਿਵੇਂ ਕਿ ਹੌਂਡਾ ਅਤੇ ਟੋਕੀਓ ਪਹਿਲਾਂ ਹੀ ਕੈਨੇਡਾ ਦੇ ਆਟੋ ਸੈਕਟਰ ਵਿਚ ਯੋਗਦਾਨ ਪਾ ਰਹੀਆਂ ਹਨ।
ਪ੍ਰਧਾਨ ਮੰਤਰੀ ਨੇ ਇਨ੍ਹਾਂ ਨਿਵੇਸ਼ਾਂ ਨੂੰ ਹੋਰ ਵਧਾਉਣ ਲਈ ਵੀ ਗੱਲਬਾਤ ਕੀਤੀ। ਹਾਲਾਂਕਿ, ਜਾਪਾਨ ਨੇ ਸੰਕੇਤ ਦਿੱਤਾ ਹੈ ਕਿ ਆਟੋ ਸੈਕਟਰ ਵਿਚ ਹੋਰ ਨਿਵੇਸ਼ ਲਈ ਕੰਪਨੀਆਂ ਸੀ.ਯੂ.ਐਸ.ਐਮ.ਏ. ਵਪਾਰ ਸਮਝੌਤੇ ਦੇ ਸਹੀ ਤਰੀਕੇ ਨਾਲ ਦੁਬਾਰਾ ਲਾਗੂ ਹੋਣ ਦੀ ਉਡੀਕ ਵਿਚ ਹਨ।
ਦੱਸਣਯੋਗ ਹੈ ਕਿ ਜਾਪਾਨ ਦੁਨੀਆ ਦੀ ਚੌਥੀ ਸਭ ਤੋਂ ਵੱਡੀ ਆਰਥਿਕਤਾ ਹੈ ਅਤੇ ਕੈਨੇਡਾ ਵਿਚ ਬਣਨ ਵਾਲੀਆਂ 70 ਫੀਸਦੀ ਕਾਰਾਂ ਜਾਪਾਨੀ ਕੰਪਨੀਆਂ ਵੱਲੋਂ ਹੀ ਬਣਾਈਆਂ ਜਾਂਦੀਆਂ ਹਨ। ਪ੍ਰਧਾਨ ਮੰਤਰੀ ਮੁਤਾਬਕ, ਵਪਾਰ ਦੇ ਹੋਰ ਮੌਕੇ ਤਲਾਸ਼ਣ ਲਈ ਜਲਦ ਹੀ ਟੀਮ ਕੈਨੇਡਾ ਵਪਾਰ ਮਿਸ਼ਨ ਵੀ ਜਾਪਾਨ ਭੇਜਿਆ ਜਾਵੇਗਾ। ਉਹ ਖੁਦ ਸ਼ਨਵੀਰ ਨੂੰ ਔਟਵਾ ਪਹੁੰਚਣਗੇ।
