14.32C Vancouver 14.32C VancouverAug 5, 2025 1:06 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਬੀ.ਸੀ.ਦੇ ਕੇਲੋਨਾ ਵਿਖੇ ਇੱਕ lumber facility ਵਿਚ ਇੰਡਸਟਰੀ ਨਾਲ ਸਬੰਧਤ ਘੋਸ਼ਣਾ ਕਰ ਸਕਦੇ ਹਨ। ਇਸ ਤੋਂ ਪਹਿਲਾਂ ਉਹ ਐਤਵਾਰ ਨੂੰ ਅਚਾਨਕ ਵੈਨਕੂਵਰ ਪ੍ਰਾਈਡ ਪਰੇਡ ਵਿਚ ਸ਼ਾਮਲ ਹੋਏ ਸਨ ਅਤੇ ਸੋਮਵਾਰ ਪ੍ਰਧਾਨ ਮੰਤਰੀ ਨੇ ਵੈਨਕੂਵਰ ਆਈਲੈਂਡ ਵਿਖੇ ਫੌਜੀ ਸਹੂਲਤ ਦਾ ਦੌਰਾ ਵੀ ਕੀਤਾ ਸੀ।
ਪੀ.ਐੱਮ.ਕਾਰਨੀ ਨੇ ਐਤਵਾਰ ਬੀ.ਸੀ. ਦੇ ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਵੈਨਕੂਵਰ ਫਰੇਜ਼ਰ ਪੋਰਟ ਅਥਾਰਟੀ ਦੇ ਅਧਿਕਾਰੀਆਂ ਨਾਲ ਵੀ ਮੁਲਾਕਾਤ ਕੀਤੀ,ਉਨ੍ਹਾਂ ਦਾ ਬ੍ਰਿਟਿਸ਼ ਕੋਲੰਬੀਆ ਦਾ ਇਹ ਦੌਰਾ ਅਮਰੀਕਾ ਨਾਲ ਸਾਫਟਵੁੱਡ ਲੱਕੜ ਵਿਵਾਦ ਵਿਚ ਨਵੇਂ ਤਣਾਅ ਦੌਰਾਨ ਆਇਆ ਹੈ,ਅਮਰੀਕਾ ਨੇ ਹਾਲ ਹੀ ਵਿਚ ਕੈਨੇਡਾ ਤੋਂ ਸਾਫਟਵੁੱਡ'ਤੇ ਐਂਟੀ-ਡੰਪਿੰਗ ਡਿਊਟੀਆਂ ਲਗਾਈਆਂ ਹਨ। ਬੀ.ਸੀ.ਕੌਂਸਲ ਆਫ਼ ਫੋਰੈਸਟ ਇੰਡਸਟਰੀਜ਼ ਨੇ ਅਮਰੀਕਾ ਦੇ ਇਸ ਕਦਮ ਨੂੰ ਨਾਜਾਇਜ਼ ਕਰਾਰ ਦਿੱਤਾ ਹੈ।
