ਪੀ.ਐਮ.ਕਾਰਨੀ ਅਤੇ ਸਮਿਥ ਵੱਲੋਂ ਉਦਯੋਗਿਕ ਕਾਰਬਨ ਕੀਮਤ ਸਮਝੌਤੇ ਦਾ ਐਲਾਨ ਕਰਨ ਦੀ ਸੰਭਾਵਨਾ

ਪੀ.ਐਮ.ਮਾਰਕ ਕਾਰਨੀ ਸ਼ੁੱਕਰਵਾਰ ਨੂੰ ਕੈਲਗਰੀ ਦੇ ਦੌਰੇ ਮੌਕੇ ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨਾਲ ਮਿਲ ਕੇ ਇਤਿਹਾਸਕ ਐਨਰਜੀ ਡੀਲ ਦਾ ਐਲਾਨ ਕਰਨ ਜਾ ਰਹੇ ਹਨ। ਇਸ ਡੀਲ ਦਾ ਮੁੱਖ ਮਕਸਦ ਦੋਵਾਂ ਸਰਕਾਰਾਂ ਵਿਚਾਲੇ ਊਰਜਾ ਸਹਿਯੋਗ ਨੂੰ ਮਜ਼ਬੂਤ ਕਰਨਾ ਅਤੇ ਸੂਬੇ ਦੀ ਆਰਥਿਕਤਾ ਨੂੰ ਵਧੇਰੇ sustainable ਬਣਾਉਣਾ ਹੈ।

ਇਸ ਸਮਝੌਤੇ ਤਹਿਤ ਔਟਵਾ ਅਤੇ ਸੂਬਾ ਸਰਕਾਰ ਅਲਬਰਟਾ ਵਿਚ ਉਦਯੋਗਿਕ ਕਾਰਬਨ ਪ੍ਰਾਈਸਿੰਗ ਨੂੰ ਮੌਜੂਦਾ $95 ਪ੍ਰਤੀ ਟਨ ਤੋਂ ਸਾਲ 2040 ਤੱਕ $130 ਪ੍ਰਤੀ ਟਨ ਤੱਕ ਕਰਨ ਦੇ ਸਮਝੌਤੇ 'ਤੇ ਦਸਖ਼ਤ ਕਰਨਗੇ, ਜਿਸ ਨੂੰ ਸੰਭਾਵੀ ਪਾਈਪਲਾਈਨ ਦੇ ਪ੍ਰਸਤਾਵ ਨੂੰ ਅੱਗੇ ਵਧਾਉਣ ਲਈ ਅਹਿਮ ਸ਼ਰਤਾਂ ਦਾ ਹਿੱਸਿਆ ਮੰਨਿਆ ਜਾਂਦਾ ਹੈ। ਪ੍ਰਧਾਨ ਮੰਤਰੀ ਕਾਰਨੀ ਅਤੇ ਪ੍ਰੀਮੀਅਰ ਸਮਿਥ ਨੇ ਨਵੰਬਰ ਵਿਚ ਇੱਕ MOU 'ਤੇ ਦਸਤਖਤ ਕੀਤੇ ਸਨ, ਜਿਸ ਦਾ ਉਦੇਸ਼ ਅਲਬਰਟਾ ਤੋਂ ਬੀ.ਸੀ. ਕੋਸਟ ਤੱਕ ਇੱਕ ਨਵੀਂ ਪਾਈਪਲਾਈਨ ਲਈ ਨੀਂਹ ਰੱਖਣਾ ਹੈ।

ਇਸ ਪਾਈਪਲਾਈਨ ਰਾਹੀਂ ਐਲਬਰਟਾ ਰੋਜ਼ਾਨਾ 3,00,000 ਤੋਂ 4,00,000 ਬੈਰਲ ਤੇਲ ਏਸ਼ੀਆਈ ਬਾਜ਼ਾਰਾਂ ਨੂੰ ਸਪਲਾਈ ਕਰ ਸਕੇਗਾ। ਸੂਬਾ ਸਰਕਾਰ ਇਸ ਪ੍ਰੋਜੈਕਟ ਦਾ ਫਾਈਨਲ ਪ੍ਰਸਤਾਵ 1 ਜੁਲਾਈ ਤੱਕ ਫੈਡਰਲ ਸਰਕਾਰ ਨੂੰ ਸੌਂਪ ਸਕਦੀ ਹੈ।