20.39C Vancouver 20.39C VancouverSep 23, 2025 3:58 PM - The Canadian Press
ਬੀ.ਸੀ. ਦੇ ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਦੇ ਮਾਲਕਾਂ ਨੂੰ ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਨੇ ਅੱਜ ਹੀ ਉਥੋਂ ਹਟਣ ਦਾ ਹੁਕਮ ਦਿੱਤਾ ਹੈ ਅਤੇ ਚਿਤਾਵਨੀ ਦਿੱਤੀ ਹੈ ਕਿ ਜੇ ਅਜਿਹਾ ਨਹੀਂ ਕੀਤਾ ਜਾਂਦਾ ਤਾਂ ਏਜੰਸੀ ਵਲੋਂ ਬੁਲਾਈ ਗਈ ਪੁਲਿਸ ਵਲੋਂ ਉਨ੍ਹਾਂ ਨੂੰ ਫਾਰਮ ਤੋਂ ਹਟਾਇਆ ਜਾਵੇਗਾ। ਐਜਵੁੱਡ ਸਥਿਤ ਇਹ ਫਾਰਮ ਏਵੀਅਨ ਫਲੂ ਕਾਰਨ ਪਿਛਲੇ ਕੂਲ ਆਰਡਰ ਤਹਿਤ ਆਪਣੇ 400 ਦੇ ਕਰੀਬ ਸ਼ੁਤਰਮੁਰਗਾਂ ਨੂੰ ਮਾਰੇ ਜਾਣ ਦੀ ਕਾਰਵਾਈ ਦਾ ਸਾਹਮਣਾ ਕਰ ਰਿਹਾ ਹੈ।
ਆਰ.ਸੀ.ਐਮ.ਪੀ. ਅਤੇ ਸੀ.ਐਫ.ਆਈ.ਏ. ਦੇ ਅਧਿਕਾਰੀ ਸੋਮਵਾਰ ਤੋਂ ਫਾਰਮ ਦੇ ਬਾਹਰ ਪਹੁੰਚੇ ਹੋਏ ਹਨ। ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਆਪਣੇ ਸ਼ੁਤਰਮੁਰਗਾਂ ਨੂੰ ਬਚਾਉਣ ਲਈ ਫੈਡਰਲ ਕੋਰਟ ਅਤੇ ਫੈਡਰਲ ਕੋਰਟ ਔਫ ਅਪੀਲ ਵਿਚ ਮਾਮਲਾ ਹਾਰ ਚੁੱਕਾ ਹੈ ਅਤੇ ਉਸ ਦਾ ਕਹਿਣਾ ਸੀ ਕਿ ਉਸ ਦੇ ਸ਼ੁਤਰਮੁਰਗ ਹੁਣ ਸਿਹਤਮੰਦ ਅਤੇ ਵਿਗਿਆਨਕ ਤੌਰ 'ਤੇ ਕੀਮਤੀ ਹਨ, ਜਦੋਂ ਕਿ ਸੀ.ਐਫ.ਆਈ.ਏ. ਨੇ ਕਿਹਾ ਕਿ ਉਹ ਵਾਇਰਸ ਦੇ ਇੱਕ ਹੋਰ ਘਾਤਕ ਕਿਸਮ ਨਾਲ ਸੰਕਰਮਿਤ ਸਨ।
ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਨੇ ਬੀਤੇ ਕੱਲ੍ਹ ਇੱਕ ਬਿਆਨ ਵਿਚ ਕਿਹਾ ਸੀ ਕਿ ਉਸ ਨੇ ਹੁਣ ਸੁਪਰੀਮ ਕੋਰਟ ਔਫ ਕੈਨੇਡਾ ਵਿਚ ਮਾਮਲੇ ਦੀ ਸੁਣਵਾਈ ਕਰਵਾਉਣ ਲਈ ਕਾਗਜ਼ੀ ਕਾਰਵਾਈ ਦਾਇਰ ਕਰ ਦਿੱਤੀ ਹੈ।
