9.84C Vancouver 9.84C VancouverJun 23, 2020 8:07 PM -
ਫ਼ੌਰਨ ਅਫ਼ੇਅਰਜ਼ ਮਿਨਿਸਟਰ ਫਰਾਂਸੂਆ ਫ਼ੀਲੀਪ ਸ਼ੈਂਪੇਨ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਆਪਣੀਆਂ ਬੈਂਕ ਔਫ਼ ਚਾਈਨਾ ਵਾਲੀਆਂ ਮੋਰਟਗੇਜਾਂ ਦਾ ਭੁਗਤਾਨ ਕਰਕੇ ਉਹਨਾਂ ਨੂੰ ਇੱਕ ਕਨੇਡੀਅਨ ਵਿੱਤੀ ਸੰਸਥਾ ਤੋਂ ਰੀਫ਼ਾਇਨੈਂਸ ਕਰਵਾ ਲਿਆ ਹੈ।
ਸ਼ੈਂਪੇਨ ਨੇ ਇਹਨਾਂ ਮੋਰਟਗੇਜਾਂ ਬਾਰੇ ਜਾਣਕਾਰੀ ਹਾਊਸ ਔਫ਼ ਕਾਮਨਜ਼ ਦੀ ਸਿਹਤ ਕਮੇਟੀ ਸਾਹਮਣੇ ਦਿੱਤੇ ਇੱਕ ਬਿਆਨ ਵਿੱਚ ਦਿੱਤੀ ਸੀ।
ਉਹਨਾਂ ਕਿਹਾ ਕਿ ਕਿਸੇ ਵੀ ਤਰ੍ਹਾਂ ਦੀ ਭਟਕਣਾ ਤੋਂ ਬਚਣ ਲਈ ਉਹਨਾਂ ਨੇ ਇਹ ਕਦਮ ਚੁੱਕਿਆ ਹੈ।
ਇਸ ਮਹੀਨੇ ਕੰਜ਼ਰਵੇਟਿਵ ਪਾਰਟੀ ਦੇ ਆਗੂ ਐਂਡਰੂ ਸ਼ੀਅਰ ਨੇ ਸ਼ੈਂਪੇਨ ਨੂੰ ਇਹ ਸਵਾਲ ਦਾ ਜਵਾਬ ਦੇਣ ਲਈ ਕਿਹਾ ਸੀ ਕਿ ਉਹਨਾਂ ਦੀਆਂ ਇਹਨਾਂ ਮੋਰਟਗੇਜਾਂ ਦਾ ਉਹਨਾਂ ਦੀ ਵਿਦੇਸ਼ ਮੰਤਰੀ ਵਜੋਂ ਚੀਨ ਨਾਲ ਨਜਿੱਠਣ ਦੀ ਸਮਰੱਥਾ 'ਤੇ ਕਿਸ ਤਰ੍ਹਾਂ ਕੋਈ ਫ਼ਰਕ ਨਹੀਂ ਪਵੇਗਾ।
ਇਸ ਦੇ ਜਵਾਬ ਵਿੱਚ ਸ਼ੈਂਪੇਨ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੇ 2015 ਵਿੱਚ ਰਾਜਨੀਤੀ ਵਿੱਚ ਸ਼ਾਮਿਲ ਹੋਣ ਤੋਂ ਪਹਿਲਾਂ ਇਸ ਸੰਬੰਧ ਵਿੱਚ ਸਾਰੀ ਜਾਣਕਾਰੀ ਏਥਿਕਸ ਕਮਿਸ਼ਨਰ ਨੂੰ ਦਿੱਤੀ ਸੀ ਅਤੇ ਇਹਨਾਂ ਮੋਰਟਗੇਜਾਂ ਦਾ ਉਹਨਾਂ ਦੇ ਕੰਮ 'ਤੇ ਕੋਈ ਪ੍ਰਭਾਵ ਨਹੀਂ ਪਵੇਗਾ।
ਰਾਜਨੀਤੀ ਵਿੱਚ ਸ਼ਾਮਿਲ ਹੋਣ ਤੋਂ ਪਹਿਲਾਂ ਜਦ ਸ਼ੈਂਪੇਨ ਲੰਦਨ ਰਹਿੰਦੇ ਸਨ, ਉਹਨਾਂ ਨੇ ਉੱਥੇ 2009 ਅਤੇ 2013 ਵਿੱਚ ਦੋ ਅਪਾਰਟਮੈਂਟ ਖਰੀਦੇ ਸਨ ਜੋ ਕਿ ਹੁਣ ਉਹਨਾਂ ਨੇ ਕਿਰਾਏ 'ਤੇ ਦਿੱਤੇ ਹੋਏ ਹਨ।
ਉਹਨਾਂ ਦੇ ਔਫ਼ਿਸ ਦਾ ਕਹਿਣਾ ਹੈ ਕਿ ਉਸ ਵੇਲੇ ਲੰਦਨ ਵਿੱਚ ਕੁਝ ਹੀ ਬੈਂਕ ਟੈਂਪਰਰੀ ਵਰਕ ਪਰਮਿਟ ਵਾਲਿਆਂ ਨੂੰ ਮੋਰਟਗੇਜ ਦਿੰਦੇ ਸਨ ਅਤੇ ਬੈਂਕ ਔਫ਼ ਚਾਈਨਾ ਉਹਨਾਂ ਵਿੱਚੋਂ ਇੱਕ ਸੀ।
