25.16C Vancouver 25.16C VancouverNov 19, 2025 3:27 PM - Connect Newsroom - Jasmine Singh with files from The Canadian Press
ਮੈਟਰੋ ਵੈਨਕੂਵਰ ਦੇ ਲੋਕਲ ਕੈਸੀਨੋ ਨਾਲ ਧੋਖਾਧੜੀ ਕਰਨ ਦੇ ਮਾਮਲੇ ਵਿਚ ਨਿਊ ਵੈਸਟਮਿੰਸਟਰ ਦੇ ਇੰਦਰਜੀਤ ਸਿੰਘ ਅਤੇ ਵ੍ਹਾਈਟ ਰੋਕ ਦੇ ਇੱਕ ਸ਼ਖਸ ਨੂੰ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। 39 ਸਾਲਾ ਇੰਦਰਜੀਤ ਸਿੰਘ ਅਤੇ 50 ਸਾਲਾ Yu Ju Lu 'ਤੇ ਦੋਸ਼ ਹੈ ਕਿ ਉਨ੍ਹਾਂ ਮਿਡ ਮੈਚ ਅਤੇ ਅਪ੍ਰੈਲ ਵਿਚਕਾਰ ਦੇ ਦੋ ਹਫਤਿਆਂ ਵਿਚ ਕਈ ਕੈਸੀਨੋ ਨਾਲ ਲਗਭਗ $45,000 ਦਾ ਫਰਾਡ ਕੀਤਾ।
ਪੁਲਿਸ ਵਲੋਂ ਫਰਾਡ ਦੇ ਤਰੀਕੇ ਬਾਰੇ ਵਿਸਥਾਰ ਜਾਣਕਾਰੀ ਨਹੀਂ ਦਿੱਤੀ ਗਈ। ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਹਾਲ ਹੀ ਵਿਚ ਉਨ੍ਹਾਂ ਖਿਲਾਫ ਧੋਖਾਧੜੀ ਦੇ ਦੋਸ਼ਾਂ ਨੂੰ ਮਨਜ਼ੂਰੀ ਦਿੱਤੀ ਹੈ ਅਤੇ ਸੰਯੁਕਤ ਫੋਰਸਿਜ਼ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਔਫ ਬੀ.ਸੀ. ਨੇ ਬਿਆਨ ਵਿਚ ਕਿਹਾ ਕਿ ਲੋਅਰ ਮੇਨਲੈਂਡ ਦੇ ਕਈ ਕੈਸੀਨੋ ਵਿਚ ਧੋਖਾਧੜੀ ਵਾਲੇ ਲੈਣ-ਦੇਣ ਦੀਆਂ ਰਿਪੋਰਟਾਂ ਤੋਂ ਬਾਅਦ ਅਪ੍ਰੈਲ ਵਿਚ ਜਾਂਚ ਸ਼ੁਰੂ ਹੋਈ ਸੀ।
ਪੁਲਿਸ ਮੁਤਾਬਕ,ਇਨ੍ਹਾਂ ਵਿਚੋਂ ਇੱਕ ਸ਼ੱਕੀ ਉਸ ਸਮੇਂ ਨਿਊ ਵੈਸਟਮਿੰਸਟਰ ਦੇ ਹੀ ਕੈਸੀਨੋ ਵਿਚ ਕੰਮ ਕਰ ਰਿਹਾ ਰਿਹਾ ਸੀ। ਦੋਹਾਂ ਨੇ ਖੁਦ ਹੀ ਆਪਣੇ-ਆਪ ਪੁਲਿਸ ਹਵਾਲੇ ਕਰ ਦਿੱਤਾ ਸੀ ਅਤੇ ਮੌਜੂਦਾ ਸਮੇਂ ਉਹ ਸ਼ਰਤਾਂ ਨਾਲ ਬਾਹਰ ਹਨ।
