13.77C Vancouver 13.77C VancouverMar 12, 2026 5:13 PM - Connect Newsroom - Ramandeep Kaur
ਚਿਲੀਵੈਕ ਵਿਚ ਇੱਕ 49 ਸਾਲਾ ਵਿਅਕਤੀ ਦੀ ਹਸਪਤਾਲ ਵਿਚ ਮੌਤ ਹੋਣ ਦੇ ਸਬੰਧ ਵਿਚ ਪੁਲਿਸ ਨੇ ਇਸ ਨੂੰ ਸ਼ੱਕੀ ਮੌਤ ਮੰਨਦੇ ਹੋਏ ਜਾਂਚ ਸ਼ੁਰੂ ਕੀਤੀ ਹੈ। ਪੁਲਿਸ ਅਨੁਸਾਰ, ਇਹ ਮੰਨਿਆ ਜਾਂਦਾ ਹੈ ਕਿ 21 ਫਰਵਰੀ ਦੀ ਰਾਤ ਨੂੰ ਲਗਭਗ 11:30 ਵਜੇ ਰੇਲਵੇ ਐਵੇਨਿਊ ਅਤੇ ਯੰਗ ਰੋਡ ਦੇ ਇੰਟਰਸੈਕਸ਼ਨ ਦੇ ਨੇੜੇ ਉਸ 'ਤੇ ਹਮਲਾ ਹੋਇਆ ਸੀ ਅਤੇ ਇਸ ਤੋਂ ਪਹਿਲਾਂ ਪੀੜਤ ਵਿਅਕਤੀ ਇੱਕ ਹੋਰ ਆਦਮੀ ਨਾਲ ਯੰਗ ਰੋਡ ਤੋਂ ਯੇਲ ਰੋਡ ਵੱਲ ਪੈਦਲ ਜਾ ਰਿਹਾ ਸੀ।
ਜਾਂਚਕਰਤਾ ਹੁਣ ਇਸ ਦੇ ਸਬੰਧ ਵਿਚ ਖੇਤਰ ਵਿਚ ਗਵਾਹਾਂ ਅਤੇ ਸੀ. ਸੀ. ਟੀ. ਵੀ. ਦੀ ਤਲਾਸ਼ ਕਰ ਰਹੇ ਹਨ। ਪੁਲਿਸ ਦਾ ਮੰਨਣਾ ਹੈ ਕਿ ਉਸ ਰਾਤ ਕਥਿਤ ਤੌਰ 'ਤੇ ਹੋਇਆ ਹਮਲਾ ਹੀ ਮੌਤ ਦਾ ਕਾਰਨ ਹੋ ਸਕਦਾ ਹੈ। ਵਿਅਕਤੀ ਹਸਪਤਾਲ ਵਿਚ ਜ਼ੇਰੇ ਇਲਾਜ ਸੀ, ਜਿੱਥੇ 7 ਮਾਰਚ ਨੂੰ ਉਸ ਦੀ ਮੌਤ ਹੋ ਗਈ।
ਇਸ ਮਾਮਲੇ ਦੀ ਜਾਂਚ ਚਿਲੀਵੈਕ ਆਰ.ਸੀ.ਐਮ.ਪੀ. ਦੀ ਸੀਰੀਅਸ ਕ੍ਰਾਈਮ ਯੂਨਿਟ ਕਰ ਰਹੀ ਹੈ। ਪੁਲਿਸ ਨੇ ਉਨ੍ਹਾਂ ਲੋਕਾਂ ਨੂੰ ਅੱਗੇ ਆਉਣ ਲਈ ਕਿਹਾ ਹੈ ਜੋ 21 ਫਰਵਰੀ ਦੀ ਰਾਤ 10:30 ਤੋਂ ਦੇਰ ਰਾਤ 12:30 ਵਜੇ ਵਿਚਕਾਰ ਉਸ ਇਲਾਕੇ ਵਿਚ ਮੌਜੂਦ ਸਨ। ਫਿਲਹਾਲ ਮ੍ਰਿਤਕ ਦੀ ਪਛਾਣ ਨਹੀਂ ਦੱਸੀ ਗਈ।
