16.31C Vancouver 16.31C VancouverJan 31, 2020 2:44 PM -
ਚੀਨ ਦੀ ਫੌਰਨ ਮਨਿਸਟਰੀ (foreign ministry) ਵੱਲੋਂ ਅੱਜ ਇੱਕ ਸਟੇਟਮੈਂਟ ਰਾਹੀਂ ਇਹ ਗੱਲ ਸਾਂਝੀ ਕੀਤੀ ਗਈ ਹੈ ਕਿ ਨਵੀਂ ਕਿਸਮ ਦੇ ਕਰੋਨਾਵਾਇਰਸ ਤੋਂ ਪ੍ਰਭਾਵਿਤ ਹੋਏ ਇਲਾਕਿਆਂ ਦੇ ਰਿਹਾਇਸ਼ੀ ਜੋ ਮੁਲਕ ਤੋਂ ਬਾਹਰ ਹਨ ਨੂੰ ਵਾਪਸ ਲੈ ਆਉਣ ਵਾਸਤੇ ਚਾਰਟਰ ਫਲਾਈਟਾਂ ਭੇਜੀਆਂ ਜਾਣਗੀਆਂ।
ਇੱਕ ਲਾਈਨ ਦੀ ਇਸ ਸਟੇਟਮੈਂਟ ਵਿੱਚ ਜ਼ਿਆਦਾ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ ਪਰ ਇਹ ਜ਼ਰੂਰ ਕਿਹਾ ਗਿਆ ਕਿ ਹੁਬਾਈ ਸੂਬੇ ਅਤੇ ਉਸ ਦੀ ਰਾਜਧਾਨੀ ਵੁਹਾਨ ਦੇ ਰਹਿਣ ਵਾਲਿਆਂ ਨੂੰ ਸਿੱਧਾ ਵਾਪਸ ਵੁਹਾਨ ਭੇਜਿਆ ਜਾਵੇਗਾ।
ਕਰੋਨਾਵਾਇਰਸ ਦੀ ਸ਼ੁਰੂਆਤ ਵੁਹਾਨ ਦੇ ਵਿੱਚ ਹੋਈ ਸੀ ਜੋ ਕਿ ਹੁਣ ਦਰਜਨਾਂ ਮੁਲਕਾਂ ਦੇ ਵਿੱਚ ਫੈਲ ਚੁੱਕਾ ਹੈ।
ਚੀਨ ਤੋਂ ਬਾਹਰ ਪਾਏ ਗਏ ਜ਼ਿਆਦਾਤਰ ਕੇਸਾਂ ਵਿੱਚ ਉਹ ਵਿਅਕਤੀ ਇਸ ਵਾਇਰਸ ਤੋਂ ਪੀੜਤ ਹੋਏ ਹਨ ਜੋ ਵੁਹਾਨ ਬੀਤੇ ਕੁਝ ਸਮੇਂ ਦੌਰਾਨ ਸਫ਼ਰ ਕਰਕੇ ਆਏ ਸਨ।
ਇਸ ਵਾਇਰਸ ਦੇ ਇਕ ਵਿਅਕਤੀ ਤੋਂ ਦੂਸਰੇ ਵਿਅਕਤੀ ਨੂੰ ਹੋ ਜਾਣ ਦੇ ਖ਼ਤਰੇ ਬਾਰੇ ਚਿੰਤਾ ਜਤਾਈ ਜਾ ਰਹੀ ਹੈ।
