9.66C Vancouver 9.66C VancouverFeb 22, 2020 1:32 AM -
ਚੀਨ ਦਾ ਕਹਿਣਾ ਹੈ ਕਿ ਨਵੇਂ ਵਾਇਰਸ ਨਾਲ ਜੁੜੇ ਮਾਮਲਿਆਂ 'ਚ ਕਾਫੀ ਗਿਰਾਵਟ ਵੇਖਣ ਨੂੰ ਮਿਲ ਰਹੀ ਹੈ। ਇਸਦੀ ਗਿਣਤੀ 397 'ਤੇ ਆਈ ਦੱਸੀ ਗਈ ਹੈ।
ਹਾਲਾਂਕਿ ਤਾਜ਼ਾ ਅੰਕੜਿਆਂ ਅਨੁਸਾਰ 109 ਹੋਰ ਲੋਕਾਂ ਦੀ ਇਸ ਬਿਮਾਰੀ ਦੇ ਚਲਦੇ ਜਾਨ ਚਲੀ ਗਈ ਹੈ।
ਸਥਾਨਿਕ ਸਮੇਂ ਅਨੁਸਾਰ, ਸ਼ਨੀਵਾਰ ਨੂੰ ਇਹ ਅੰਕੜੇ ਜਾਰੀ ਕੀਤੇ ਗਏ ਹਨ, ਅਤੇ ਦੱਸਿਆ ਗਿਆ ਹੈ ਕਿ 76,288 ਲੋਕ ਇਸ ਨਾਲ ਪ੍ਰਭਾਵਿਤ ਹੋਏ ਹਨ, ਜਦਕਿ 2,345 ਲੋਕਾਂ ਦੀ ਇਸ ਬਿਮਾਰੀ ਦੇ ਚਲਦੇ ਜਾਨ ਚਲੀ ਗਈ ਹੈ।
ਯਾਦ ਰਹੇ ਇਸ ਬਿਮਾਰੀ ਦੀ ਸ਼ੁਰੂਆਤ ਦਿਸੰਬਰ 2019 'ਚ ਹੋਈ ਦੱਸੀ ਜਾ ਰਹੀ ਹੈ, ਅਤੇ ਇਹ ਵੱਡੇ ਅੰਕੜੇ ਬੀਤੇ 2 ਮਹੀਨੇ ਦੇ ਦਰਮਿਆਨ ਦੇ ਹਨ।
ਇਸ ਗਲੋਬਲ ਪੱਧਰ 'ਤੇ ਵਧ ਰਹੀ ਬਿਮਾਰੀ ਦਾ ਨਵਾਂ ਕੇਂਦਰ ਦੱਖਣੀ ਕੋਰੀਆ ਬਣਦਾ ਜਾ ਰਿਹਾ ਹੈ, ਜਿਥੇ 204 ਲੋਕਾਂ ਨੂੰ ਇਸ ਬਿਮਾਰੀ ਦੇ ਨਾਲ ਪ੍ਰਭਾਵਿਤ ਦੱਸਿਆ ਗਿਆ ਹੈ।
ਦੱਖਣੀ ਕੋਰੀਆ 'ਚ ਇਸ ਬਿਮਾਰੀ ਨਾਲ ਜੁੜੇ ਮਾਮਲਿਆਂ 'ਚ ਜਲਦੀ ਵਾਧਾ ਹੋ ਰਿਹਾ ਹੈ।
