18.52C Vancouver 18.52C VancouverFeb 7, 2020 2:55 AM -
ਚੀਨ 'ਚ SARS ਵਰਗੀ ਮਹਾਮਾਰੀ ਸਾਬਿਤ ਹੋਣ ਵਰਗੀ ਤਾਕਤ ਰੱਖਣ ਵਾਲੇ, ਨਵੇਂ ਕੋਰੋਨਾਵਾਇਰਸ ਬਾਰੇ ਸਬ ਤੋਂ ਪਹਿਲਾਂ ਆਵਾਜ਼ ਉਠਾਉਣ ਵਾਲੇ ਲੋਕਾਂ ਚੋਂ ਇੱਕ, ਚੀਨ ਦੇ ਡਾ. ਲੀ ਵੇਨਲਿਆਂਗ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਹਨ।
ਹਾਲਾਂਕਿ ਖਬਰਾਂ ਹਨ ਕਿ ਜਦ ਡਾ. ਵੇਨਲਿਆਂਗ ਨੇ ਇਸ ਵਾਇਰਸ ਸੰਬੰਧੀ, ਮਹਾਮਾਰੀ 'ਚ ਤਬਦੀਲ ਹੋਣ ਦੇ ਖਤਰੇ ਜਾ ਜ਼ਿਕਰ ਕੀਤਾ ਸੀ ਤਾਂ, ਕਥਿਤ ਤੌਰ 'ਤੇ ਪੁਲਿਸ ਵੱਲੋਂ ਉਤਪੀੜਨ ਦੇ ਸ਼ਿਕਾਰ ਹੋਏ ਸਨ।
ਉਨ੍ਹਾਂ ਦੀ ਉਮਰ 34 ਸਾਲ ਦੀ ਸੀ।
ਉਨ੍ਹਾਂ ਹੋਰ ਡਾਕਟਰਾਂ ਨੂੰ ਮਹਾਮਾਰੀ ਬਾਰੇ ਚਿਤਾਵਨੀ ਦੇਣ ਦੀ ਕੋਸ਼ਿਸ਼ ਕੀਤੀ ਸੀ।
ਵੀਰਵਾਰ ਨੂੰ ਵੁਹਾਨ 'ਚ ਕੋਰੋਨਾਵਾਇਰਸ ਕਾਰਨ ਹੀ ਉਨ੍ਹਾਂ ਦੀ ਜਾਨ ਜਾਂਦੀ ਰਹੀ।
ਬੀਤੇ ਸਾਲ ਦਿਸੰਬਰ 'ਚ ਡਾ. ਲੀ ਵੇਨਲਿਆਂਗ ਨੇ ਇਸ ਵਾਇਰਸ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਸੀ।
ਯਾਦ ਰਹੇ ਇਸ ਬਿਮਾਰੀ ਕਾਰਨ ਹੁਣ ਤਕ 638 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ, ਜਦਕਿ 31,000 ਲੋਕ ਇਸਤੋਂ ਪ੍ਰਭਾਵਿਤ ਦੱਸੇ ਜਾ ਰਹੇ ਹਨ।
