ਚੀਨੀ ਈਵੀ ਨਿਰਮਾਤਾ ਕੈਨੇਡਾ ਵਿੱਚ ਡੀਲਰਸ਼ਿਪ ਨੈਟਵਰਕ ਦੀ ਤਿਆਰੀ 'ਚ

ਪ੍ਰਧਾਨ ਮੰਤਰੀ ਵੱਲੋਂ ਚਾਈਨਿਜ਼ ਈ.ਵੀ.ਐਸ. 'ਤੇ ਟੈਰਿਫ ਘਟਾ ਕੇ 6.1 ਫੀਸਦੀ ਕਰਨ ਦੇ ਫੈਸਲੇ ਤੋਂ ਬਾਅਦ ਬੀ.ਵਾਈ.ਡੀ. ਨੇ ਕੈਨੇਡਾ ਵਿਚ ਆਪਣਾ ਨੈੱਟਵਰਕ ਸਥਾਪਤ ਕਰਨ ਲਈ ਡੀਲਰਸ਼ਿਪ ਖੋਲ੍ਹਣ ਬਾਰੇ ਗੱਲਬਾਤ ਸ਼ੁਰੂ ਕਰ ਦਿੱਤੀ ਹੈ।

ਰਿਪੋਰਟਸ ਮੁਤਾਬਕ, ਕੰਪਨੀ ਦੀ ਯੋਜਨਾ ਇੱਕ ਸਾਲ ਅੰਦਰ 20 ਡੀਲਰਸ਼ਿਪ ਸਥਾਪਤ ਕਰਨ ਦੀ ਹੈ, ਇਸ ਦੀ ਸ਼ੁਰੂਆਤ ਗ੍ਰੇਟਰ ਟੋਰਾਂਟੋ ਏਰੀਆ ਤੋਂ ਹੋਵੇਗੀ, ਜਿਸ ਤੋਂ ਬਾਅਦ ਬੀ.ਵਾਈ.ਡੀ. ਵਲੋਂ ਵੈਨਕੂਵਰ, ਮਾਂਟਰੀਅਲ ਅਤੇ ਕੈਲਗਰੀ ਵਿਚ ਵਿਸਥਾਰ ਕੀਤਾ ਜਾ ਸਕਦਾ ਹੈ।

ਕੈਨੇਡਾ ਵਿਚ ਇਸ ਦੇ ਸੀਲ, ਡੌਲਫਿਨ ਅਤੇ ਸੀਗਲ ਵਰਗੇ ਪ੍ਰਸਿੱਧ ਮਾਡਲ ਲਾਂਚ ਹੋਣ ਦੀ ਸੰਭਾਵਨਾ ਹੈ। ਬੀ.ਵਾਈ.ਡੀ. ਤੋਂ ਇਲਾਵਾ ਚੀਨ ਦੀ ਇੱਕ ਹੋਰ ਕੰਪਨੀ ਚੈਰੀ ਆਟੋਮੋਬਾਈਲ ਵੀ ਕੈਨੇਡੀਅਨ ਬਾਜ਼ਾਰ ਵਿਚ ਉਤਰਨ ਦੀ ਤਿਆਰੀ ਕਰ ਰਹੀ ਹੈ।

ਹਾਲਾਂਕਿ, ਪ੍ਰਧਾਨ ਮੰਤਰੀ ਕਾਰਨੀ ਨੇ ਭਾਵੇਂ ਚਾਈਨਿਜ਼ ਗੱਡੀਆਂ ਲਈ ਰਾਹ ਪੱਧਰਾ ਕੀਤਾ ਹੈ ਪਰ ਕੁਝ ਸ਼ਰਤਾਂ ਵੀ ਬਰਕਰਾਰ ਹਨ, ਚਾਈਨਿਜ਼ ਈ.ਵੀ.ਐਸ. ਖਰੀਦਣ ਵਾਲੇ ਗਾਹਕਾਂ ਨੂੰ ਸਰਕਾਰੀ ਰਿਬੇਟ ਨਹੀਂ ਮਿਲੇਗੀ। ਇਹ ਸਿਰਫ਼ ਕੈਨੇਡਾ ਵਿਚ ਬਣੀਆਂ ਜਾਂ ਫ੍ਰੀ-ਟਰੇਡ ਸਮਝੌਤੇ ਵਾਲੇ ਦੇਸ਼ਾਂ ਦੀਆਂ ਗੱਡੀਆਂ ਲਈ ਹੈ।