18.49C Vancouver 18.49C VancouverApr 1, 2020 8:28 PM -
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਅੱਜ ਅਪੀਲ ਕੀਤੀ ਹੈ ਕਿ ਜਿੰਨੇ ਵੀ ਮਕਾਨ ਮਾਲਿਕਾਂ ਨੂੰ ਅੱਜ ਉਨ੍ਹਾਂ ਦੇ ਕਿਰਾਏਦਾਰ ਕਿਰਾਇਆ ਨਹੀਂ ਦਿੰਦੇ ਹਨ, ਓਹ ਆਪਣੇ ਕਿਰਾਏਦਾਰਾਂ ਨੂੰ ਘਰੋਂ ਕੱਢਣ 'ਤੇ ਵਿਚਾਰ ਨਾ ਕਰਨ।
ਸਰਕਾਰ ਵੱਲੋਂ ਉਨ੍ਹਾਂ ਲੋਕਾਂ ਤਕ ਮਦਦ ਪਹੁੰਚਾਉਣ ਦੀਆਂ ਕੋਸ਼ਿਸ਼ਾਂ ਲਗਾਤਾਰ ਕੀਤੀਆਂ ਜਾ ਰਹੀਆਂ ਹਨ, ਜਿੰਨਾ ਆਪਣੀ ਇੰਕਮ 'ਚ ਨੁਕਸਾਨ ਝੱਲਿਆ ਹੈ।
ਪਰ ਅਜੇ ਤਕ ਉਸ ਪੈਸੇ ਦਾ ਲੋਕਾਂ ਤਕ ਪਹੁੰਚਣਾ ਸ਼ੁਰੂ ਨਹੀਂ ਹੋਇਆ ਹੈ।
ਇਸਦੇ ਕਾਰਨ ਬਹੁਤ ਸਾਰੇ ਲੋਕਾਂ ਲਈ ਆਪਣੇ ਕਿਰਾਏ ਭਰਨਾ ਮੁਮਕਿਨ ਨਹੀਂ ਹੋ ਸਕੇਗਾ।
ਫਰੀਲੈਂਡ ਨੇ ਕਿਹਾ ਕਿ ਇਹ ਮਕਾਨ ਮਾਲਿਕਾਂ ਦਾ ਸਹੀ ਫੈਸਲਾ ਨਹੀਂ ਹੋਵੇਗਾ, ਜੇਕਰ ਓਹ ਅਜਿਹੇ ਹਾਲਾਤਾਂ 'ਚ ਕਿਰਾਏਦਾਰਾਂ ਨੂੰ ਕੱਢਣ ਦਾ ਫੈਸਲਾ ਲੈਂਦੇ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਜਿਹੜੇ ਮਕਾਨ ਮਾਲਿਕਾਂ ਨੂੰ ਇਹ ਪੈਸੇ ਇਸਲਈ ਚਾਹੀਦਾ ਹੈ ਕਿ ਓਹ ਆਪਣੀਆਂ ਮੌਰਗੇਜ ਪੇਮੈਂਟਾਂ ਦਾ ਖਿਆਲ ਕਰ ਸਕਣ, ਉਨ੍ਹਾਂ ਲਈ ਵੀ ਮਦਦ ਪਹੁੰਚਾਉਣ ਲਈ ਬੈਂਕਾਂ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ।
