31.13C Vancouver 31.13C VancouverMar 17, 2020 3:31 PM -
ਕੈਨੇਡਾ ਦੀ ਸਭ ਤੋਂ ਵੱਡੀ ਥੀਏਟਰ ਕੰਪਨੀ ਸਿਨੇਪਲੈਕਸ ਵੱਲੋਂ ਕੋਵਿੱਡ-19 ਦੇ ਫੈਲਾਅ ਦੇ ਖਤਰੇ ਨੂੰ ਦੇਖਦਿਆਂ ਦੇਸ਼ ਭਰ ਵਿੱਚ ਆਪਣੇ 165 ਸਿਨੇਮਾਘਰਾਂ ਨੂੰ ਬੰਦ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।
ਕੰਪਨੀ ਮੁਤਾਬਕ ਸਿਨੇਮਾਘਰ ਘੱਟ ਤੋਂ ਘੱਟ 2 ਅਪਰੈਲ ਤੱਕ ਬੰਦ ਰਹਿਣਗੇ।
ਕੈਨੇਡਾ ਭਰ ਵਿਚ ਫਿਲਮ ਥੀਏਟਰ ਮਾਰਕੀਟ ਦਾ ਤਕਰੀਬਨ 75 ਪ੍ਰਤੀਸ਼ਤ ਹਿੱਸਾ ਸਿਨੇਪਲੈਕਸ ਕੋਲ ਹੈ।
ਕੰਪਨੀ ਵੱਲੋਂ ਅਸਥਾਈ ਤੌਰ ਤੇ ਆਪਣੇ ਰੈਕ ਰੂਮ ਅਤੇ ਪਲੇਡੀਅਮ ਐਂਟਰਟੇਨਮੈਂਟ ਕੰਪਲੈਕਸ ਵੀ ਬੰਦ ਕੀਤੇ ਜਾ ਰਹੇ ਹਨ।
ਫੈਡਰਲ ਹੈਲਥ ਮਨਿਸਟਰ, ਪੈਟੀ ਹਾਇਡੂ ਵਲੋਂ ਸੋਮਵਾਰ ਨੂੰ 50 ਤੋਂ ਵੱਧ ਵਿਅਕਤੀਆਂ ਦੇ ਇਕੱਠ ਵਾਲੇ ਸਥਾਨ ਬੰਦ ਕਰਨ ਦੀ ਹਦਾਇਤ ਦਿੱਤੀ ਗਈ ਸੀ।
