10.59C Vancouver 10.59C VancouverMay 20, 2020 5:43 PM -
ਸਿਟੀ ਆਫ ਸਰ੍ਹੀ ਵੱਲੋਂ ਸਾਂਝੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਇਸ ਵਾਰ ਦੇ ਕੈਨੇਡਾ ਡੇ ਦੇ ਜਸ਼ਨ ਕੋਵਿਡ -19 ਦੇ ਚੱਲਦਿਆਂ ਵਰਚੁਅਲ ਤਰੀਕੇ ਨਾਲ ਮਨਾਏ ਜਾਣਗੇ।
ਵਰਚੁਅਲ ਸਰ੍ਹੀ ਕੈਨੇਡਾ ਡੇ 1 ਜੁਲਾਈ ਨੂੰ ਫੇਸਬੁੱਕ ਅਤੇ ਯੂਟਿਊਬ ਲਾਈਵ ਰਾਹੀਂ ਪ੍ਰਸਾਰਿਤ ਕੀਤਾ ਜਾਵੇਗਾ।
ਪ੍ਰੋਗਰਾਮ ਦੀ ਮੇਜ਼ਬਾਨੀ ਚਾਰ ਵਾਰ ਓਲੰਪਿਕ ਗੋਲਡ ਮੈਡਲਿਸਟ ਰਹਿ ਚੁੱਕੇ ਹੇਲੀ ਵਿਕਨਹਾਇਜ਼ਰ ਕਰਨਗੇ ਅਤੇ ਇਸ ਪਰਿਵਾਰਕ ਅਤੇ ਰੰਗਾਰੰਗ ਪ੍ਰੋਗਰਾਮ ਵਿੱਚ ਗੀਤ ਸੰਗੀਤ, ਵਰਚੁਅਲ ਟੂਅਰ, ਇੰਡੀਜਿਨਸ ਅਤੇ ਸਭਿਆਚਾਰਕ ਪਰਫਾਰਮੈਂਸ, ਬੱਚਿਆਂ ਅਤੇ ਬਜ਼ੁਰਗਾਂ ਲਈ "ਫੈਮਿਲੀ ਆਵਰ", ਡਾਂਸ ਲੈਸਨ, ਇੱਕ ਰੋਡੀਓ ਟ੍ਰਿਬਿਊਟ ਅਤੇ ਅੰਤ ਵਿੱਚ ਵਰਚੁਅਲ ਆਤਿਸ਼ਬਾਜ਼ੀ ਵੀ ਕੀਤੀ ਜਾਵੇਗੀ।
ਕੌਲਿਨ ਜੇਮਜ਼, 54-40, ਬਿਫ ਨੇਕਿਡ, ਟੂਕ, ਸੈੱਡ ਦ ਵ੍ਹੇਲ ਅਤੇ ਮੈਡੀਲਿਨ ਮਰਲੋ ਵਰਗੇ ਸਥਾਨਕ ਅਤੇ ਕਨੇਡੀਅਨ ਕਲਾਕਾਰ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ।
ਇਸ ਖਾਸ ਪ੍ਰਸਾਰਣ ਵਿੱਚ ਕੋਵਿਡ-19 ਤੋਂ ਪ੍ਰਭਾਵਿਤ ਹੋਏ ਸਿਹਤ ਸੰਭਾਲ ਕਾਮਿਆਂ ਅਤੇ ਇਸੈਂਸ਼ਲ ਸਰਵਿਸ ਮੁਹੱਈਆ ਕਰਵਾ ਰਹੇ ਲੋਕਾਂ ਨੂੰ ਸ਼ਰਧਾਂਜਲੀ ਵੀ ਦਿੱਤੀ ਜਾਵੇਗੀ।
ਵਰਚੁਅਲ ਸਰ੍ਹੀ ਕੈਨੇਡਾ ਕਾਰਪੋਰੇਟ ਸਪਾਂਸਰਾਂ ਨਾਲ ਮਿਲ ਕੇ ਸਰ੍ਹੀ ਫੂਡ ਬੈਂਕ ਲਈ $10,000 ਦੀ ਡੋਨੇਸ਼ਨ ਇਕੱਠੀ ਕਰਨ ਲਈ ਵੀ ਯਤਨਸ਼ੀਲ ਹੈ।
