13.8C Vancouver 13.8C VancouverSep 16, 2020 9:11 PM -
ਸੀ.ਐਨ. ਦਾ ਕਹਿਣਾ ਹੈ ਕਿ, ਹੋਪ ਦੇ ਕੋਲ 60 ਰੇਲ ਕਾਰਜ਼ ਪਟੜੀ ਤੋਂ ਉਤਰਣ ਤੋਂ ਬਾਅਦ, ਮੌਕੇ 'ਤੇ ਸਾਫ-ਸਫ਼ਾਈ ਦਾ ਕੰਮ ਆਰੰਭ ਦਿੱਤਾ ਗਿਆ ਹੈ ਅਤੇ ਪੁਲ ਦੀ ਮੁਰੰਮਤ ਵੀ ਕੀਤੀ ਜਾ ਰਹੀ ਹੈ।
ਹੋਪ ਦੇ ਕੋਲ ਇਹ ਘਟਨਾ ਸੋਮਵਾਰ ਨੂੰ ਦਿਨ ਦੇ ਸਮੇਂ ਵਾਪਰੀ ਸੀ।
ਸੀ.ਐਨ. ਦਾ ਕਹਿਣਾ ਹੈ ਕਿ ਸੀ.ਪੀ. ਰੇਲ ਦੇ ਡੱਬੇ ਪਟੜੀ ਤੋਂ ਉੱਤਰ ਗਏ ਸਨ।
ਘਟਨਾ 'ਚ ਕਿਸੇ ਦੇ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ ਸੀ।
ਘਟਨਾ ਹੰਟਰ ਕ੍ਰੀਕ ਇਲਾਕੇ 'ਚ ਰੇਲ ਗੱਡੀ ਦੇ ਇੱਕ ਪੁਲ ਟੱਪਣ ਤੋਂ ਬਾਅਦ ਵਾਪਰੀ ਸੀ।
ਘਟਨਾ ਤੋਂ ਬਾਅਦ ਮੌਕੇ 'ਤੇ ਵੱਡੀ ਮਾਤਰਾ 'ਚ ਪੋਟੈਸ਼ ਖਿੰਡ ਗਿਆ ਸੀ।
ਐਨਵਾਇਰਨਮੈਂਟਲ ਟੀਮਾਂ ਵੀ ਮੌਕੇ 'ਤੇ ਮੌਜੂਦ ਹਨ, ਅਤੇ ਟਰਾਂਸਪੋਰਟੇਸ਼ਨ ਸੇਫ਼ਟੀ ਬੋਰਡ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਸੀ.ਐਨ. ਦਾ ਕਹਿਣਾ ਹੈ ਕਿ ਸੀ.ਪੀ. ਟ੍ਰੇਨ ਇਸ ਟ੍ਰੈਕ 'ਤੇ ਇਸ ਕਾਰਨ ਸੀ ਕਿਉਂਕਿ ਦੋਨਾਂ ਕੰਪਨੀਆਂ ਵੱਲੋਂ ਟ੍ਰੈਕ ਦੀ ਸਾਂਝੇ ਪੱਧਰ 'ਤੇ ਵਰਤੋਂ ਕੀਤੀ ਜਾਂਦੀ ਹੈ।
