ਬਰਨਬੀ ਹਾਈਵੇਅ 1 'ਤੇ ਵਾਪਰਿਆ ਭਿਆਨਕ ਹਾਦਸਾ, ਇਕ ਵਿਅਕਤੀ ਗੰਭੀਰ ਜ਼ਖਮੀ

ਬਰਨਬੀ ਵਿਚ ਦੇਰ ਰਾਤ ਹਾਈਵੇਅ 1 'ਤੇ ਇੱਕ ਸੀਰੀਅਸ ਕਰੈਸ਼ ਦੀ ਘਟਨਾ ਵਾਪਰੀ।ਬੀ.ਸੀ.ਐਮਰਜੈਂਸੀ ਹੈਲਥ ਸਰਵਿਸ ਮੁਤਾਬਕ ਕਰੀਬ 12.30 ਵਜੇ ਉਨ੍ਹਾਂ ਨੂੰ ਘਟਨਾ ਦੀ ਸੂਚਨਾ ਮਿਲੀ ਅਤੇ ਇੱਕ ਵਿਅਕਤੀ ਨੂੰ ਗੰਭੀਰ ਤੇ ਨਾਜ਼ੁਕ ਹਾਲਤ ਵਿਚ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ।

ਹਾਦਸੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਬਰਨਬੀ ਆਰ.ਸੀ.ਐਮ.ਪੀ. ਨੇ ਹਾਈਵੇ 1 ਨੂੰ ਕੇਨਸਿੰਗਟਨ ਐਵੇਨਿਊ ਤੋਂ ਲੈ ਕੇ ਸਪ੍ਰੋਟ ਸਟ੍ਰੀਟ ਚਕਾਰ ਬੰਦ ਕਰ ਦਿੱਤਾ।

ਕਾਰਪੋਰੇਸ਼ਨਲ ਮਾਈਕ ਕਲਾੰਜ ਦਾ ਕਹਿਣਾ ਸੀ ਕਿ ਇਹ ਇੱਕ ਬਹੁਤ ਹੀ ਗੰਭੀਰ ਟੱਕਰ ਸੀ ਅਤੇ ਜਾਂਚ ਦੇ ਚੱਲਦਿਆਂ ਹਾਈਵੇ 1 ਦਾ ਇਹ ਹਿੱਸਾ ਅੱਜ ਦੁਪਹਿਰ ਤੱਕ ਬੰਦ ਰਹਿ ਸਕਦਾ ਹੈ। ਫਿਲਹਾਲ ਇਸ ਟੱਕਰ ਵਿਚ ਸ਼ਾਮਲ ਵਾਹਨਾਂ ਬਾਰੇ ਡਿਟੇਲਸ ਨਹੀਂ ਦਿੱਤੀ ਗਈ ਅਤੇ ਨਾ ਹੀ ਜ਼ਖਮੀ ਵਿਅਕਤੀ ਦੀ ਕੋਈ ਪਛਾਣ ਦੱਸੀ ਗਈ ਹੈ।