11.19C Vancouver 11.19C VancouverSep 13, 2024 4:30 PM - The Canadian Press
ਬੀ.ਸੀ. ਦੇ ਵਾਤਾਵਰਣ ਮੁਲਾਂਕਣ ਦਫ਼ਤਰ ਵਲੋਂ ਪਾਈਪਲਾਈਨ ਨਿਰਮਾਣ ਨੂੰ ਲੈ ਕੇ ਕੋਸਟਲ ਗੈਸਲਿੰਕ ਨੂੰ 590,000 ਡਾਲਰ ਦਾ ਜੁਰਮਾਨਾ ਕੀਤਾ ਗਿਆ ਹੈ। ਵਾਤਾਵਰਣ ਮੁਲਾਂਕਣ ਦਫ਼ਤਰ ਵਲੋਂ ਕੋਸਟਲ ਗੈਸਲਿੰਕ ਪਾਈਪਲਾਈਨ ਲਿਮਿਟਡ ’ਤੇ ਇਹ ਜੁਰਮਾਨਾ ਪਾਈਪਲਾਈਨ ਦੇ ਨਿਰਮਾਣ ਵਿੱਚ ਕਮੀਆਂ ਨੂੰ ਲੈ ਕੇ ਕੀਤਾ ਗਿਆ ਹੈ। ਅਧਿਕਾਰੀ ਨੇ ਇਕ ਬਿਆਨ ਵਿਚ ਕਿਹਾ ਕਿ ਵਾਤਾਵਰਣ ਮੁਲਾਂਕਣ ਸਰਟੀਫਿਕੇਟ ਦੀਆਂ ਜ਼ਰੂਰਤਾਂ ਦੀ ਪਾਲਣਾ ਨਾ ਕਰਨ ਲਈ ਕੰਪਨੀ ਵਿਰੁੱਧ 10 ਪ੍ਰਸ਼ਾਸਕੀ ਜੁਰਮਾਨੇ ਲਗਾਏ ਗਏ ਹਨ।
ਇਸ ਦਾ ਕਹਿਣਾ ਹੈ ਕਿ ਅਪ੍ਰੈਲ ਅਤੇ ਮਈ 2023 ਵਿਚ ਉੱਤਰੀ ਬੀ.ਸੀ. ਵਿਚ ਪਾਈਪਲਾਈਨ ਮਾਰਗ ’ਤੇ ਲਾਗੂ ਕਰਨ ਵਾਲੇ ਅਧਿਕਾਰੀ ਵਲੋਂ ਕਟੌਤੀ ਅਤੇ ਤਲਛਟ ਕੰਟਰੋਲ ਉਪਾਅ ਦੀਆਂ ਸਮੱਸਿਆਵਾਂ ਦੀ ਪਛਾਣ ਕੀਤੇ ਜਾਣ ਤੋਂ ਬਾਅਦ ਇਹ ਜੁਰਮਾਨਾ ਲਗਾਇਆ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਕਟੌਤੀ ਅਤੇ ਤਲਛਟ ਨੂੰ ਕੰਟਰੋਲ ਕਰਨ ਵਿੱਚ ਅਸਫਲ ਰਹਿਣ ਲਈ ਕੰਪਨੀ ਨੂੰ ਲਗਭਗ 800,000 ਡਾਲਰ ਦੇ ਚਾਰ ਜੁਰਮਾਨੇ ਜਾਰੀ ਕੀਤੇ ਗਏ ਸਨ, ਜਦਕਿ ਗਲਤ ਜਾਂ ਗੁੰਮਰਾਹਕੁੰਨ ਜਾਣਕਾਰੀ ਦੇਣ ਲਈ 6,000 ਡਾਲਰ ਦਾ ਪੰਜਵਾਂ ਜੁਰਮਾਨਾ ਲਗਾਇਆ ਗਿਆ ਸੀ।
