17.36C Vancouver 17.36C VancouverJul 20, 2020 4:40 PM -
ਹਾਊਸ ਆਫ਼ ਕਾਮਨਜ਼ ਦੀ ਅੱਜ ਬੈਠਕ ਚੱਲ ਰਹੀ ਹੈ। ਇਸ ਬੈਠਕ ਰਾਹੀਂ ਲਿਬਰਲਜ਼ ਦੁਆਰਾ ਇੱਕ ਬਿਲ ਪਾਸ ਕਰਰੇ ਵੇਜ ਸਬਸਿਡੀ ਪ੍ਰੋਗਰਾਮ ਦੀ ਮਿਆਦ ਨੂੰ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਇਸ ਤੋਂ ਇਲਾਵਾ ਸਰੀਰਕ ਤੌਰ ਤੇ ਅਪੰਗ ਵਿਅਕਤੀਆਂ ਨੂੰ ਵਿਸ਼ੇਸ਼ ਭੁਗਤਾਨ ਅਤੇ ਕੁਝ ਅਦਾਲਤੀ ਕੇਸਾਂ ਦੀ ਸਮਾਂ-ਸੀਮਾਵਾਂ ਨੂੰ ਵਧਾਉਣ 'ਤੇ ਵੀ ਚਰਚਾ ਹੋਵੇਗੀ।
ਵਿੱਤ ਮੰਤਰੀ ਬਿਲ ਮੋਰਨੀਉ ਦਾ ਕਹਿਣਾ ਹੈ ਕਿ ਵੇਜ-ਸਬਸਿਡੀ ਪ੍ਰੋਗਰਾਮ ਨੂੰ ਦਿਸੰਬਰ ਤੱਕ ਵਧਾਉਣ ਦੀ ਲੋੜ ਹੈ। ਨਾਲ ਹੀ ਉਨ੍ਹਾਂ ਕਿਹਾ ਕਿ ਇਸ ਲਈ ਯੋਗਤਾ ਦੇ ਨਿਯਮਾਂ ਵਿੱਚ ਵੀ ਥੋੜੀ ਖੁੱਲ੍ਹ ਦੇਣ ਦੀ ਲੋੜ ਹੈ ਤਾਂ ਜੋ ਕਾਰੋਬਾਰ ਮੁੜ ਸ਼ੁਰੂ ਹੋ ਸਕਣ ਅਤੇ ਲੋਕਾਂ ਨੂੰ ਕੰਮ ਮਿਲ ਸਕੇ।
ਸਰੀਰਕ ਤੌਰ 'ਤੇ ਅਪਾਹਜ ਵਿਅਕਤੀਆਂ ਲਈ $600 ਤੱਕ ਦਾ ਭੁਗਤਾਨ ਅਤੇ ਕਾਨੂੰਨੀ ਕੇਸਾਂ ਦਾ ਸਮਾਂ ਵਧਾਉਣ ਦੇ ਮਸਲੇ ਵੀ ਇਸ ਬਿਲ ਵਿਚ ਸ਼ਾਮਲ ਸਨ, ਪਰ ਇਹ ਬਿਲ ਜੂਨ ਦੇ ਮਹੀਨੇ ਵਿਚ ਹਾਊਸ ਆਫ਼ ਕਾਮਨਜ਼ ਵਿਚ ਪਾਸ ਨਹੀਂ ਹੋ ਸਕਿਆ ਸੀ।
ਜ਼ਿਕਰਯੋਗ ਹੈ ਕਿ ਇਸ ਬਿਲ ਵਿਚ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੇਫਿਟ ਪ੍ਰੋਗਰਾਮ ਨਾਲ ਧੋਖਾ ਕਰਨ 'ਤੇ ਨਵੇਂ ਜ਼ੁਰਮਾਨੇ ਵੀ ਜੋੜੇ ਜਾਣਗੇ।
ਬਲੌਕ ਕਿਉਬੈਕਵਾ ਦਾ ਕਹਿਣਾ ਹੈ ਕਿ ਐਮ.ਪੀਜ਼ ਇਸ ਬਿਲ ਨੂੰ ਸਮਰਥਨ ਦੇਣਗੇ ਅਤੇ ਯਕੀਨੀ ਬਣਾਉਣਗੇ ਕਿ ਇਹ ਬਿਲ ਪਾਸ ਹੋਵੇ।
