ਸਰੀ, ਬੀ.ਸੀ. ਵਿੱਚ ਕਿਡਨੀ ਹੀਮੋਡਾਇਲਸਿਸ ਯੂਨਿਟ ਦਾ ਨਿਰਮਾਣ ਅਗਸਤ ਵਿੱਚ ਸ਼ੁਰੂ ਹੋਵੇਗਾ: ਈ.ਬੀ.

ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਸਰੀ ਮੈਮੋਰੀਅਲ ਹਸਪਤਾਲ ਨੂੰ ਸੌਗਾਤ ਦਿੰਦੇ ਹੋਏ, ਇੱਥੇ ਹੈਲਥ ਕੇਅਰ ਸਰਵਿਸ ਸੈਂਟਰ ਦਾ ਵਿਸਥਾਰ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਜਲਦ ਹੀ ਇੱਥੇ ਨਵਾਂ ਕਿਡਨੀ ਕੇਅਰ ਯੂਨਿਟ ਖੁੱਲ੍ਹ ਰਿਹਾ ਹੈ।

ਪ੍ਰੀਮੀਅਰ ਡੇਵਿਡ ਈਬੀ ਨੇ ਕਿਹਾ ਕਿ ਇਸ ਯੂਨਿਟ ਵਿਚ 21 ਡਾਇਲਸਿਸ ਸਟੇਸ਼ਨ ਹੋਣਗੇ, ਜਿਸ ਨਾਲ ਹਸਪਤਾਲ ਵਿਚ ਇਨ੍ਹਾਂ ਦੀ ਕੁੱਲ ਗਿਣਤੀ 60 ਹੋ ਜਾਵੇਗੀ। ਇਸ ਦੀ ਉਸਾਰੀ ਦਾ ਕੰਮ ਅਗਸਤ ਵਿਚ ਸ਼ੁਰੂ ਹੋਵੇਗਾ ਅਤੇ 2025 ਤੱਕ ਇਸ ਦੇ ਖੁੱਲ੍ਹਣ ਦੀ ਉਮੀਦ ਹੈ।

ਉਥੇ ਹੀ, ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਕਿਹਾ ਕਿ ਸਰੀ ਵਿਚ ਆਬਾਦੀ ਤੇਜ਼ੀ ਨਾਲ ਵੱਧ ਰਹੀ ਹੈ ਅਤੇ ਵਰਤਮਾਨ ਵਿਚ ਲੋਕਾਂ ਨੂੰ ਕਈ ਵਾਰ ਆਪਣੇ ਡਾਇਲਸਿਸ ਲਈ ਦੂਜੇ ਇਲਾਕਿਆਂ ਵਿਚ ਜਾਣਾ ਪੈਂਦਾ ਹੈ, ਇਸ ਲਈ ਸਰਕਾਰ ਨੇ ਸਰੀ ਵਿਚ ਹੀ ਜੀਵਨ-ਰੱਖਿਅਕ ਗੁਰਦੇ ਦੀਆਂ ਸੇਵਾਵਾਂ ਦਾ ਵਿਸਥਾਰ ਕਰਨ ਦਾ ਫੈਸਲਾ ਕੀਤਾ ਹੈ।

ਨਵੇਂ ਕਿਡਨੀ ਕੇਅਰ ਯੂਨਿਟ ਲਈ ਸਰਕਾਰ $84 ਮਿਲੀਅਨ ਇਨਵੈਸਟ ਕਰ ਰਹੀ ਹੈ ਅਤੇ $1 ਮਿਲੀਅਨ ਦੀ ਹੋਰ ਇਨਵੈਸਟਮੈਂਟ ਸਰੀ ਹਸਪਤਾਲ ਫਾਊਂਡੇਸ਼ਨ ਵਲੋਂ ਕੀਤੀ ਜਾਵੇਗੀ।