27.89C Vancouver 27.89C VancouverSep 22, 2025 4:41 PM - The Canadian Press
ਬੀ.ਸੀ. ਦੇ ਸੁਰਖੀਆਂ ਵਿਚ ਚੱਲ ਰਹੇ ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਵਿਚ ਹਲਚਲ ਦੇਖੀ ਜਾ ਰਹੀ ਹੈ। ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਨੂੰ ਸਰਚ ਵਾਰੰਟ ਲਾਗੂ ਕਰਨ ਵਿਚ ਸਪੋਰਟ ਲਈ ਆਰ.ਸੀ.ਐਮ.ਪੀ. ਵੀ ਪਹੁੰਚ ਗਈ ਦੱਸੀ ਜਾ ਰਹੀ ਹੈ। ਇਹ ਉਦੋਂ ਹੈ ਜਦੋਂ ਐਜਵੁੱਡ ਸਥਿਤ ਇਹ ਫਾਰਮ ਆਪਣੇ 400 ਸ਼ੁਤਰਮੁਰਗਾਂ ਨੂੰ ਬਚਾਉਣ ਲਈ ਕਈ ਅਦਾਲਤੀ ਅਪੀਲ ਹਾਰ ਚੁੱਕਾ ਹੈ, ਜਿਨ੍ਹਾਂ ਨੂੰ ਸੀ.ਐਫ.ਆਈ.ਏ. ਨੇ ਏਵੀਅਨ ਫਲੂ ਦੇ ਖਤਰੇ ਕਾਰਨ ਮਾਰਨ ਦਾ ਹੁਕਮ ਦਿੱਤਾ ਸੀ।
ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਦੇ ਬੁਲਾਰੇ ਕੇਟੀ ਪਾਸਿਟਨੀ ਨੇ ਦੱਸਿਆ ਕਿ ਸੋਮਵਾਰ ਸਵੇਰ ਤੋਂ ਪੁਲਿਸ ਵਾਹਨਾਂ ਅਤੇ ਰਹਿੰਦ-ਖੂੰਹਦ ਦੇ ਨਿਪਟਾਰੇ ਦੇ ਟਰੱਕ ਦਾ ਇੱਕ ਕਾਫਲਾ ਉਨ੍ਹਾਂ ਦੇ ਫਾਰਮ ਦੇ ਬਾਹਰ ਖੜ੍ਹਾ ਹੈ।
ਸ਼ੁੱਕਰਵਾਰ ਨੂੰ ਫਾਰਮ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਇੱਕ ਸੂਤਰ ਤੋਂ ਜਾਣਕਾਰੀ ਮਿਲੀ ਹੈ ਕਿ ਸੀ.ਐਫ.ਆਈ.ਏ. ਨੇੜਲੇ ਭਵਿੱਖ ਵਿਚ ਉਨ੍ਹਾਂ ਦੇ ਸ਼ੁਤਰਮੁਰਗਾਂ ਨੂੰ ਮਾਰਨ ਦੀ ਤਿਆਰੀ ਵਿਚ ਹੈ। ਉਥੇ ਹੀ, ਸੀ.ਐਫ.ਆਈ.ਏ. ਨੇ ਪਹਿਲਾਂ ਹੀ ਕਿਹਾ ਹੈ ਕਿ ਕਾਰਵਾਈ ਕਦੋਂ ਹੋਵੇਗੀ ਉਹ ਇਸ ਬਾਰੇ ਅਗਾਊਂ ਸੂਚਨਾ ਨਹੀਂ ਦੇਣਗੇ।
