15.5C Vancouver 15.5C VancouverJan 22, 2026 1:34 PM - Connect Newsroom - Ramandeep Kaur
ਲੰਘੀ 12 ਜਨਵਰੀ ਨੂੰ ਪੋਰਟ ਕੋਕੁਇਟਲਮ 'ਚ ਹਥਿਆਰ ਨਾਲ ਹੋਏ ਕਥਿਤ ਹਮਲੇ ਤੋਂ ਬਾਅਦ ਇਕ ਸ਼ੱਕੀ ਦੀ ਪਛਾਣ ਕਰਨ ਲਈ ਕੋਕੁਇਟਲਮ ਆਰ.ਸੀ.ਐਮ.ਪੀ. ਜਨਤਾ ਤੋਂ ਮਦਦ ਮੰਗ ਰਹੀ ਹੈ। ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਰਾਹੀਂ ਪੁਸ਼ਟੀ ਕੀਤੀ ਹੈ ਕਿ ਝਗੜਾ 12 ਜਨਵਰੀ, 2026 ਨੂੰ ਸਵੇਰੇ ਪੌਣੇ 12 ਵਜੇ ਦੇ ਕਰੀਬ ਪੋਰਟ ਕੋਕੁਇਟਲਮ 'ਚ ਸ਼ੌਘਨੇਸੀ ਸਟ੍ਰੀਟ ਦੇ 2800 ਬਲੌਕ ਦੇ ਨੇੜੇ ਹੋਇਆ ਸੀ।
ਝਗੜੇ ਤੋਂ ਪਹਿਲਾਂ ਸ਼ੱਕੀ ਨੂੰ ਕਰੀਬ 11 ਵਜੇ ਕੋਕੁਇਟਲਮ 'ਚ ਲੌਹੀਡ ਹਾਈਵੇਅ ਅਤੇ ਕੋਮੋ ਲੇਕ ਐਵੇਨਿਊ ਦੇ ਨੇੜੇ ਦੇਖਿਆ ਤੇ ਝਗੜੇ ਤੋਂ ਬਾਅਦ ਸ਼ੱਕੀ ਨੂੰ ਸ਼ੌਘਨੇਸੀ ਸਟ੍ਰੀਟ ਦੇ ਨੌਰਥ ਵੱਲ ਜਾਂਦੇ ਦੇਖਿਆ ਗਿਆ ਅਤੇ ਆਖਰੀ ਵਾਰ ਦੁਪਹਿਰ 12 ਵਜੇ ਦੇ ਕਰੀਬ ਪੋਰਟ ਕੋਕੁਇਟਲਮ ਐਵੇਨਿਊ ਅਤੇ ਫਲਿੰਟ ਸਟ੍ਰੀਟ ਨੇੜੇ ਦੇਖਿਆ ਗਿਆ ਸੀ।
ਕੋਕੁਇਟਲਮ ਆਰ.ਸੀ.ਐਮ.ਪੀ. ਦੇ ਮੀਡੀਆ ਰਿਲੇਸ਼ਨਜ਼ ਅਫ਼ਸਰ ਐਕਟਿੰਗ ਕਾਰਪੋਰਲ ਜਾਰਜ ਹਾਨ ਨੇ ਕਿਹਾ ਕਿ ਜਿਸ ਕਿਸੇ ਕੋਲ ਵੀ ਇਸ ਹਮਲੇ ਬਾਰੇ ਜਾਂ ਸ਼ੱਕੀ ਵਿਅਕਤੀ ਬਾਰੇ ਜਾਣਕਾਰੀ ਹੈ ਤਾਂ ਉਸ ਨੂੰ ਇਨਵੈਸਟੀਗੇਟਰਸ ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਜਾਂਦੀ ਹੈ ਅਤੇ ਕੋਈ ਵੀ ਵਿਅਕਤੀ ਇਸ ਸਬੰਧੀ ਕੋਕੁਇਟਲਮ ਆਰਸੀਐਮਪੀ ਨਾਲ 604-945-1550 'ਤੇ ਸੰਪਰਕ ਕਰ ਸਕਦਾ ਹੈ।
