ਪੋਇਰੀਅਰ ਸਟ੍ਰੀਟ ਸਥਿਤ ਸਕੂਲ ਨੂੰ ਧਮਕੀ ਮਿਲਣ ਮਗਰੋਂ ਕੁਝ ਦੇਰ ਲਈ ਕੀਤਾ ਗਿਆ ਬੰਦ

ਕੋਕੁਇਟਲਮ ਵਿਚ ਪੋਇਰੀਅਰ ਸਟ੍ਰੀਟ ਦੇ 500 ਬਲੌਕ ਵਿਚ ਸਥਿਤ ਇੱਕ ਸਕੂਲ ਨੂੰ ਧਮਕੀ ਮਿਲਣ ਦੀ ਰਿਪੋਰਟ ਸਾਹਮਣੇ ਆਈ ਹੈ, ਜਿਸ ਨੇ ਸਟੂਡੈਂਟਸ ਅਤੇ ਸਟਾਫ ਲਈ ਤਣਾਅ ਵਾਲਾ ਮਾਹੌਲ ਪੈਦਾ ਕਰ ਦਿੱਤਾ। ਸਵੇਰੇ ਕਰੀਬ 9:36 ਵਜੇ ਪੁਲਿਸ ਨੂੰ ਸਕੂਲ ਵਿਚ ਕਿਸੇ ਖ਼ਤਰੇ ਬਾਰੇ ਸੂਚਨਾ ਮਿਲੀ ਸੀ।

ਔਫੀਸਰਜ਼ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਸੁਰੱਖਿਆ ਪ੍ਰੋਟੋਕੋਲ ਦੇ ਤਹਿਤ ਸਕੂਲ ਨੂੰ ਲੌਕਡਾਊਨ ਕਰ ਦਿੱਤਾ ਗਿਆ ਸੀ। ਮੌਕੇ 'ਤੇ ਪਹੁੰਚੇ ਕੋਕੁਇਟਲਮ ਆਰ.ਸੀ.ਐਮ.ਪੀ. ਦੇ ਅਧਿਕਾਰੀਆਂ ਨੇ ਪੂਰੇ ਸਕੂਲ ਦੀ ਤਲਾਸ਼ੀ ਲਈ ਅਤੇ ਜਾਂਚ ਤੋਂ ਬਾਅਦ ਪੁਲਿਸ ਨੇ ਪੁਸ਼ਟੀ ਕੀਤੀ ਕਿ ਸਕੂਲ ਵਿਚ ਕੋਈ ਵੀ ਸਰਗਰਮ ਖ਼ਤਰਾ ਨਹੀਂ ਹੈ, ਜਿਸ ਤੋਂ ਬਾਅਦ ਲੌਕਡਾਊਨ ਖਤਮ ਕਰ ਦਿੱਤਾ ਗਿਆ।

ਇਸ ਦੌਰਾਨ ਨੇੜਲੇ ਕੁਝ ਹੋਰ ਸਕੂਲਾਂ ਨੂੰ ਵੀ ਹੋਲਡ ਐਂਡ ਸਕਿਓਰ ਤੇ ਰੱਖਿਆ ਗਿਆ ਸੀ। ਕੋਕੁਇਟਲਮ ਪੁਲਿਸ ਅਧਿਕਾਰੀ ਹੁਣ ਧਮਕੀ ਦੇ ਸਰੋਤ ਦਾ ਪਤਾ ਲਗਾਉਣ ਲਈ ਕੰਮ ਕਰ ਰਹੇ ਹਨ।