12.94C Vancouver 12.94C VancouverMar 6, 2026 6:21 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਦੀ 19 ਸਾਲਾ ਪਾਈਪਰ ਜੇਮਜ਼ ਦੀ ਮੌਤ ਦੇ ਮਾਮਲੇ ਵਿਚ ਆਸਟ੍ਰੇਲੀਆ ਦੇ ਕੋਰੋਨਰ ਨੇ ਆਪਣਾ ਅੰਤਿਮ ਫੈਸਲਾ ਸੁਣਾ ਦਿੱਤਾ ਹੈ।ਕੋਰੋਨਰ ਡਿਪਾਰਟਮੈਂਟ ਅਨੁਸਾਰ, ਪਾਈਪਰ ਦੀ ਮੌਤ ਡਿੰਗੋ ਯਾਨੀ ਜੰਗਲੀ ਕੁੱਤਿਆਂ ਦੇ ਹਮਲੇ ਕਾਰਨ ਪਾਣੀ ਵਿੱਚ ਡੁੱਬਣ ਨਾਲ ਹੋਈ ਸੀ।
ਪਾਈਪਰ ਜੇਮਜ਼ ਕੈਂਪਬੈਲ ਰਿਵਰ ਦੀ ਰਹਿਣ ਵਾਲੀ ਸੀ, 19 ਜਨਵਰੀ ਨੂੰ ਉਹ ਆਸਟ੍ਰੇਲੀਆ ਦੇ ਫ੍ਰੇਜ਼ਰ ਆਈਲੈਂਡ 'ਤੇ ਸਵੇਰ ਦੀ ਸੈਰ ਦੌਰਾਨ ਲਾਪਤਾ ਹੋ ਗਈ ਸੀ। ਕੋਰੋਨਰਜ਼ ਕੋਰਟ ਔਫ ਕੁਈਨਜ਼ਲੈਂਡ ਨੇ ਪੁਸ਼ਟੀ ਕੀਤੀ ਕਿ ਪਾਈਪਰ ਨੂੰ ਡਿੰਗੋ ਦੇ ਇੱਕ ਝੁੰਡ ਨੇ ਘੇਰ ਕੇ ਪਾਣੀ ਵਿਚ ਜਾਣ ਲਈ ਮਜਬੂਰ ਕਰ ਦਿੱਤਾ ਸੀ, ਜਿਸ ਕਾਰਨ ਉਸ ਦੀ ਡੁੱਬਣ ਨਾਲ ਮੌਤ ਹੋ ਗਈ।
ਪੋਸਟਮਾਰਟਮ ਰਿਪੋਰਟ ਵਿਚ ਉਸ ਦੇ ਸਰੀਰ 'ਤੇ ਡਿੰਗੋ ਦੇ ਵੱਢਣ ਦੇ ਕਈ ਨਿਸ਼ਾਨ ਮਿਲੇ ਸਨ, ਜੋ ਮੌਤ ਤੋਂ ਪਹਿਲਾਂ ਦੇ ਸਨ। ਇਸ ਘਟਨਾ ਤੋਂ ਬਾਅਦ ਹਮਲੇ ਵਿਚ ਸ਼ਾਮਲ ਮੰਨੇ ਜਾਂਦੇ ਅੱਠ ਡਿੰਗੋ ਨੂੰ ਮਾਰ ਦਿੱਤਾ ਗਿਆ ਹੈ।
